Hierasimaŭ abjaviŭ ab zachopie horada Kupiansk-Vuzłavy, da jakoha rasijskaje vojska navat nie padyšło
Kiraŭnik rasijskaha Hienštaba Valeryj Hierasimaŭ zajaviŭ, što rasijskija vojski zachapili horad Kupiansk-Vuzłavy ŭ Charkaŭskaj vobłaści. Zhodna z kartami OSINT-analitykaŭ, rasijskija vajskoŭcy navat nie padyšli da hetaha nasielenaha punkta. Adrazu niekalki rasijskich pravajennych telehram-kanałaŭ ukazali na niesapraŭdnaść zajavy Hierasimava, piša «Ahienctva».
Svaju zajavu Hierasimaŭ zrabiŭ padčas inśpiekcyi hrupoŭki vojskaŭ «Zachad», videa ź jakoj ranicaj u aŭtorak apublikavała Minabarony. Pavodle jaho słoŭ, Kupiansk-Vuzłavy «vyzvaleny», i rasijskija vajskoŭcy zaraz «ažyćciaŭlajuć pravierku i začystku haradskich kvartałaŭ».
Na hetuju zajavu źviarnuli ŭvahu niekalki z-kanałaŭ. «My, napeŭna, pojdziem pakurym paśla takoha pryhožaha dakładu. Moŭčki», — napisaŭ z-kanał «Dva majora».
Aŭtar z-kanała «Romanov Łajt» Uładzimir Ramanaŭ nazvaŭ zajavu Hierasimava vynikam «zamalovak», majučy na ŭvazie praktyku abjaŭlać ab prasoŭvańniach, jakija nie adpaviadajuć rečaisnaści.
Prarasijski telehram-kanał «Biełorusskij siłovik» apublikavaŭ kartu, na jakoj pravioŭ čornym koleram miažu terytoryi pad kantrolem USU i padkreśliŭ sinim nasielenyja punkty, jakija «miakka kažučy, nie zusim pad našym kantrolem». Z karty vynikaje, što rasijskaje vojska nie padyšło da Kupiansk-Vuzłavoha.
Pavodle źviestak blizkaha da ŭkrainskaha Minabarony DeepState, ad Kupianska-Vuzłavoha da terytoryi, jakuju kantralujuć rasijskija vajskoŭcy, nie mienš za 10 km naŭprost.
Finski prajekt Blackbird taksama paćviardžaje, što da miežaŭ horada jašče nie padyšła «šeraja zona».
Zhodna z kartaj amierykanskaha Instytuta vyvučeńnia vajny (ISW), nasieleny punkt całkam pad kantrolem Ukrainy.
Kupiansk-Vuzłavy znachodzicca prykładna za piać kiłamietraŭ na poŭdzień ad Kupianska.
Ab zachopie Kupianska Hierasimaŭ paviedamlaŭ Uładzimiru Pucinu jašče ŭ listapadzie 2025 hoda. Nasamreč, całkam zachapić hety horad rasijskim vajskoŭcam tak i nie ŭdałosia, śviedčyli karty OSINT-analitykaŭ. A ŭ kancy śniežnia rasijskija vajskoŭcy stracili kantrol navat nad užo zachoplenymi ŭčastkami ŭ horadzie.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary