U Charkavie šachiedy ŭdaryli pa žyłych damach: 14 paranienych, siarod ich — ciažarnaja žančyna i dzicia
U noč na subotu, 24 studzienia, rasijskija ŭdarnyja bieśpiłotniki trapili ŭ žyłyja damy ŭ Industryjalnym i Niemyšlanskim rajonach Charkava.
Hareli kvatery ŭ šmatpaviarchovym domie, paškodžany internat ź pierasialencami, balnica i radzilny dom. 14 čałaviek atrymali traŭmy, siarod ich — ciažarnaja žančyna i dzicia.
Pavodle danych haradskich uładaŭ, sieryja vybuchaŭ prahrymieła ŭ Industryjalnym rajonie horada. Varožyja šachiedy trapili ŭ žyłyja damy.
«Pavodle papiaredniaj infarmacyi, u Industryjalnym rajonie majem trapleńnie ŭ dom i zaharańnie kvatery. Jość infarmacyja pra jašče adno trapleńnie ŭ žyły dom. U piacipaviarchovym domie ŭ vyniku trapleńnia šachieda ludzi apynulisia zabłakavanymi», — napisaŭ haradski hałava Ihar Cierachaŭ.
Pa słovach načalnika abłasnoj vajennaj administracyi Aleha Siniahubava, stanam na 01:30 viadoma pra dźviuch paciarpiełych žančyn, jakija mieli patrebu ŭ miedyčnaj dapamozie.
« 74‑hadovaja žančyna atrymała vostruju reakcyju na stres u vyniku varožaj ataki na Charkaŭ. Taksama paciarpieła 25‑hadovaja ciažarnaja žančyna. Na miescach varožych udaraŭ pracujuć padraździaleńni DSNS i bryhady ekstrannaj chutkaj dapamohi», — napisaŭ jon.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary