U madrydskim aeraporcie ŭ śpievaka skrali zaplečnik z 2,5 miljonami dalaraŭ

Ranicaj 2 lutaha, kala 8‑j hadziny, 41‑hadovy rehieton-vykanaŭca z Puerta-Ryka Zion čakaŭ rejsa ŭ adnoj z kaviarniaŭ madrydskaha aeraporta. U hety momant da jaho padyšli dvoje mužčyn, jakija dziejničali vielmi aściarožna i nieprykmietna, paviedamlaje vydańnie El Mundo.

Śpiavak Zion, jaki straciŭ pilnaść u aeraporcie

Mužčyny zabrali ŭ śpievaka, jaki straciŭ pilnaść, jahony zaplečnik, u jakim znachodzilisia vialikaja suma najaŭnych hrošaj (kala 2,4—2,5 miljona dalaraŭ) i kaštoŭnyja rečy, uklučajučy iPhone i čatyry raskošnyja hadzińniki (dva Rolex i dva Patek Philippe), a taksama inšyja asabistyja pradmiety ź vialikaj emacyjnaj kaštoŭnaściu.

Adnak kradziež, na ščaście dla paciarpiełaha, nie prajšoŭ nieprykmietna. U terminale patrulavali dva palicejskija ŭ cyvilnym, jakija zaŭvažyli padazravanych i adrazu pačali sačyć za imi. Praź niekalki chvilin tyja byli zatrymanyja i viarnuli ŭsio skradzienaje.

Zatrymanyja — 31‑hadovy hramadzianin Ałžyra i 29‑hadovy marakaniec. Abodva majuć šmatlikija sudzimaści za padobnyja złačynstvy ŭ aeraportach. Palicyja vyznačyła, što jany źjaŭlajucca śpiecyjalistami pa kradziažach z adciahvańniem uvahi, vykarystoŭvajučy chaos i šmatludnaść u hramadskich miescach.

Paśla zatrymańnia ŭsie rečy byli nieadkładna viernutyja ich uładalniku.

Kamientary da artykuła