«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ
Biełaruski repier Siaroha trapiŭ na bujnoje rasijskaje realici-šou. Kali vyjhraje, atrymaje bolš za 100 tysiač jeŭra. Kali nie, zastaniecca tolki z paškodžanaj reputacyjaj.
Prajekt, kudy trapiŭ Siaroha, naležyć rasijskamu telekanału TNT. Heta piaty siezon šou «Vyžyć u…». Ideja prostaja: dźvie kamandy, z zorak i z prostych ludziej, źbirajucca ŭ roznych haradach za miežami Rasii, udzielničajuć u ispytach i baviać čas sa svajoj kamandaj, a časam i vyžyvajuć u składanych umovach. Pieramožca atrymlivaje hrošy, sioleta heta 10 miljonaŭ rasijskich rubloŭ — kala 108 tysiač jeŭra.
Pieršy i treci siezony zdymali ŭ Dubai, druhi i čaćviorty — va ŭźbiekskim Samarkandzie. Ciapier prajekt, a razam ź im i Siaroha, dabraŭsia da Stambuła.
Vyjšła ŭžo dva vypuski — atrymałasia tak emacyjna, što šou navat trapiła ŭ trendy Google pa Biełarusi. Šmat u čym heta zdaryłasia praź Siarohu, jakoha adna z udzielnic nazvała majstram pa pieraabuvańni.
Siarohu nakiravali ŭ kamandu zorak, dzie jon chutka staŭ lidaram i zaadno paabiacaŭ padniać rejtynhi šou. Pa ŭmovach prajekta ŭdzielnikam treba vyznačyć, chto z kamandy pojdzie na mały ispyt i takim čynam akažacca pad pahrozaj vybyvańnia. Siaroha spačatku prapanavaŭ vyznačyć achviaru praź losavańnie, potym saryjentavaŭ kamandu, kab hałasavali suprać najsłabiejšaj udzielnicy, paźniej paabiacaŭ, što sam pojdzie na ispyt i ŭvohule nie budzie hałasavać. A potym usio ž hałasavaŭ za najsłabiejšuju ŭdzielnicu.
Praz svaje pavodziny Siaroha ŭžo atrymaŭ šmat novych anłajn-chiejtaraŭ, chacia jość u jaho i padtrymka. Voś što pišuć hledačy ŭ instahramie šou:
«Nu vielmi niepryjemny ŭdzielnik».
«Chacieŭ padniać rejtynhi, a apuściŭ honar».
«Pieršy pretendent na krynž hoda 2026. Jašče ŭ jaho taki dyjalekt padazrony».
«Naša Niva» — bastyjon biełaruščyny
PADTRYMAĆCiapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary