Ryžankoŭ zamiest pajezdki ŭ Vašynhton pajšoŭ na litaraturnuju viečarynu ŭ Minsku
U Minsku 19 lutaha 2026 hoda prajšła litaraturnaja viečaryna, prymierkavanaja da Mižnarodnaha dnia rodnaj movy i Hoda biełaruskaj žančyny. Na joj siarod inšych prysutničaŭ i ministr zamiežnych spraŭ Biełarusi Maksim Ryžankoŭ, jaki raniej, jak mierkavałasia, pavinien byŭ udzielničać u pieršym pasiadžeńni trampaŭskaj Rady miru ŭ Vašynhtonie.
Fota: pres-słužba MZS
Ryžankoŭ vystupiŭ na mierapryjemstvie z pryvitalnym słovam. Jon adznačyŭ, što Mižnarodny dzień rodnaj movy nahadvaje pra ŭnikalnaść i kaštoŭnaść kožnaj movy, jaje rolu ŭ zachavańni kulturnaj spadčyny i farmiravańni nacyjanalnaj samaśviadomaści. Biełaruskuju movu Ryžankoŭ acharaktaryzavaŭ jak miakkuju i mieładyčnuju, u jakoj zaklučanyja ŭnutranaja siła i hodnaść nacyi.
Akramia taho, MZS padkreśliŭ značeńnie Hoda žančyny ŭ Biełarusi, jaki adznačaje vyklučnuju rolu biełaruskich žančyn u žyćci hramadstva i dziaržavy, ich uniosak u zachavańnie tradycyj i vychavańnie budučych pakaleńniaŭ.
Taksama ŭ ramkach litaraturnaj prahramy viečaryny dypłamatyčnyja pradstaŭniki ź Indyi, Kitaja, Kyrhyzstana, AAE, Sierbii, Słavakii, Turcyi, Uźbiekistana, Vialikabrytanii, Izraila i Siryi, a taksama pradstaŭniki mižnarodnych arhanizacyj pradekłamavali tvory viadomych biełaruskich aŭtaraŭ, pryśviečanyja žančynie, maci i Radzimie.
Čytajcie taksama:
Stała viadoma, dziela čaho Łukašenka nie pajechaŭ da Trampa na Samit miru ŭ Vašynhton
U Vašynhtonie pačałosia pieršaje pasiadžeńnie trampaŭskaj «Rady miru»
Na Radu miru ŭ ZŠA ŭrešcie nie pajechaŭ navat Ryžankoŭ
Łukašenka zajaviŭ, što budzie ŭdzielničać u Radzie miru, ale paźniej