Łukašenka zajaviŭ, što budzie ŭdzielničać u Radzie miru, ale paźniej
«Moža, nie ŭ Vašynhtonie. Dzieści ŭ Jeŭropie ci na Blizkim Uschodzie, moža być, u Izraili, bližej tut, u Turcyi adbuducca dalejšyja pasiadžeńni hetaj Rady».
«Biełaruś maje namier u budučyni ŭdzielničać u dziejnaści Rady miru na ŭzroŭni kiraŭnika dziaržavy», — zajaviŭ siońnia Łukašenka.
«Ja vielmi spadziajusia, što tyja mierapryjemstvy, jakija buduć adbyvacca ŭ dalejšym… my abaviazkova na ŭzroŭni prezidenta budziem udzielničać u hetaj Radzie, abaviazkova budziem udzielničać», — skazaŭ jon.
«Moža, nie ŭ Vašynhtonie. Dzieści ŭ Jeŭropie ci na Blizkim Uschodzie, moža być, u Izraili, bližej tut, u Turcyi adbuducca dalejšyja pasiadžeńni hetaj Rady. My budziem udzielničać u joj», — zajaviŭ Łukašenka.
Jon dadaŭ, što Biełaruś tradycyjna tranśluje mirny paradak dnia, zaŭsiody vystupaje za mirnaje ŭrehulavańnie kanfliktaŭ, i ŭ dadzienym kantekście jana hatova ŭdzielničać u dziejnaści Rady miru.
«U nas ściah adzin — mir. My chočam miru i pierš za ŭsio tam, dzie naš los — Ukraina, — zajaviŭ Łukašenka. — My ŭsie chočam tam miru. I nie tolki va Ukrainie, ale ŭ inšych punktach. Dumaju, što nam budzie tam da miesca (znachodzicca ŭ Radzie miru)».
Pieršaje pasiadžeńnie Rady miru projdzie ŭ čaćvier, 19 lutaha, u Vašynhtonie. Łukašenka byŭ zaprošany, ale na minułym tydni Natalla Ejsmant zajaviła, što jon nie budzie ŭdzielničać.
«Na žal, my atrymali zaprašeńnie pozna, pracoŭny hrafik na hety pieryjad užo byŭ spłanavany. Tak, my z zadavalnieńniem naviedali b Złučanyja Štaty Amieryki, ale jość pytańni, jakija niemahčyma adkłaści, — zajaviła jana. — Akramia taho, my biarom pad uvahu i mahčymyja łahistyčnyja składanaści, jakija mohuć uźniknuć z-za niezakonnych sankcyj, najpierš Jeŭrasajuza — z ulikam zakryćcia pavietranaj prastory nad ES», — skazała Ejsmant.
U Vašynhton palacić ministr zamiežnych spraŭ Maksim Ryžankoŭ.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3535
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha35
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary