Stała viadoma, dziela čaho Łukašenka nie pajechaŭ da Trampa na Samit miru ŭ Vašynhton
Pres-słužba Alaksandra Łukašenki raskazała pra sustreču ŭ jaho siońniašnim hrafiku.
Siońnia ŭ Pałacy Niezaležnaści Alaksandr Łukašenka praviadzie sustreču sa staršynioj Sienata Respubliki Zimbabve Miejbł Memory Čynamona.
U centry ŭvahi — mižparłamiencki dyjałoh i handlova-ekanamičnaje supracoŭnictva, piša Puł pieršaha.
Siońnia ŭ Vašynhtonie pavinien pačacca samit Rady miru, na jaki byŭ zaprošany i Alaksandr Łukašenka. Jaho pres-sakratarka Natalla Ejsmant kazała, što jon nie palacić — pracoŭny hrafik užo sfarmavany.
«Tak, zaprašeńnie na pieršuju sustreču lidaraŭ u ramkach Rady miru pryjšło. Na žal, my atrymali jaho pozna, pracoŭny hrafik na hety pieryjad užo byŭ spłanavany. Tak, my z zadavalnieńniem naviedali b Złučanyja Štaty Amieryki, ale jość pytańni, jakija niemahčyma adkłaści. Akramia taho, my biarom pad uvahu i mahčymyja łahistyčnyja składanaści, jakija mohuć uźniknuć z-za niezakonnych sankcyj, najpierš Jeŭrasajuza — z ulikam zakryćcia pavietranaj prastory nad ES», — raskazała Natalla Ejsmant.
Rasija zajaviła, što nie budzie ŭdzielničać u pieršym pasiadžeńni Rady miru — Maskva jašče farmiruje svaju pazicyju ŭ adnosinach da trampaŭskaj Rady miru.
Łukašenka paabiacaŭ, što budzie ŭdzielničać u Radzie miru, ale paźniej.
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary