U centry Minska źjavicca ceły muziejny kvartał
U centry Minska źjavicca muziejny kvartał na bazie Nacyjanalnaha mastackaha muzieja, paviedamili ŭ pres-słužbie Minharvykankama.
Zdymak ilustracyjny. Fota: «Naša Niva»
U zapłanavany kvartał uvojduć budynki pa vulicach Kirava, 25, Lenina, 20 i 22 i Karła Marksa, 24.
Zaraz asnoŭnyja raboty iduć u budynku na Lenina, 22 — tam paśla rekanstrukcyi adkryjucca novyja ekspazicyjnyja zały i ekskursijnyja prastory.
«Budynak zachavaje funkcyi administracyi. Na pieršym i druhim pavierchach buduć ekspazicyi, nievialikaje schovišča, što vielmi važna dla muziejnych rabotnikaŭ. Fondy papaŭniajucca, patrebnyja miescy dla zachoŭvańnia. Pradumana šmat usiaho karysnaha: kabiniety, lekcyjnaja zała, izastudyja, prastora dla majstar-kłasaŭ», — paviedamiła hienieralnaja dyrektarka Nacyjanalnaha mastackaha muzieja Biełarusi Iryna Macias.
Z červienia płanujuć pačać raboty ŭ hałoŭnym korpusie.
Čytajcie taksama:
Jakija histaryčnyja abjekty ŭ Minsku adrestaŭrujuć u nastupnyja hady
Letam Nacyjanalny mastacki muziej zakryjecca na rekanstrukcyju
Jak ciapier vyhladaje budučy Nacyjanalny histaryčny muziej
Minkultury raskazała, čym źbirajecca zajmacca nastupnuju piacihodku