Minkultury raskazała, čym źbirajecca zajmacca nastupnuju piacihodku
Ministerstva kultury raskazała pra asnoŭnyja napramki dziaržaŭnaj prahramy «Kulturnaja prastora» na 2026—2030 hady, jakuju 31 śniežnia 2025 hoda zaćvierdziŭ urad. Hałoŭnaj metaj prahramy dekłarujecca zachavańnie i papularyzacyja historyka-kulturnaj spadčyny, nacyjanalnych tradycyj i zvyčajaŭ, piša BiełTA.
Prahrama składajecca ź dźviuch padprahram: «Kulturnaja spadčyna» i «Mastactva i tvorčaść».
Pieršaja ź ich nakiravanaja na pavyšeńnie dastupnaści i jakaści pasłuh u śfiery kultury — u muziejach, biblijatekach, parkach kultury i adpačynku, zaaparkach i inšych ustanovach. Taksama płanujecca dalejšaje adradžeńnie narodnych ramiostvaŭ, raźvićcio kultur nacyjanalnych mienšaściaŭ i biełarusaŭ za miažoj, a taksama stvareńnie nacyjanalnaha ličbavaha kantentu ŭ halinie kultury.
Padprahrama «Mastactva i tvorčaść» praduhledžvaje padtrymku prafiesijnaha mastactva, raźvićcio kiniematahrafii i mižnarodnaha kulturnaha supracoŭnictva.
Asobnaja ŭvaha nadajecca ramontna-restaŭracyjnym rabotam na abjektach historyka-kulturnaj spadčyny pa ŭsioj krainie. U pryvatnaści, u 2027 hodzie płanujecca zaviaršyć restaŭracyju kompleksu budynkaŭ Nacyjanalnaha mastackaha muzieja Biełarusi. U 2026—2029 hadach praciahnucca pracy ŭ pałacavym kompleksie ŭ Ružanach, u 2029 hodzie — restaŭracyja kaścioła Božaha Cieła ŭ Niaśvižy, a ŭ 2030 hodzie — rekanstrukcyja i kansiervacyja Navahrudskaha zamka.
Minkultury taksama padkreśliła važnaść ukaranieńnia sučasnych technałohij. Prahrama praduhledžvaje ličbavizacyju muziejnych i biblijatečnych fondaŭ, stvareńnie virtualnych ekskursij, aŭtamatyzavanych infarmacyjnych sistem, a taksama aličboŭku kinafondu i abjektaŭ niemateryjalnaj kulturnaj spadčyny.
Akramia taho, płanujecca aktyŭnaje raźvićcio mižnarodnaha kulturnaha supracoŭnictva, pašyreńnie damoŭnaj bazy i ŭmacavańnie imidžu Biełarusi jak krainy z bahataj tradycyjnaj i sučasnaj kulturaj, intehravanaj u suśvietnuju kulturnuju prastoru.
U Minsku znosiać budynki kala Vaładarki
Na mohiłkach pad Vaŭkavyskam cicha zhniła staražytnaja draŭlanaja carkva
U Ružanach archieołahi znajšli frahmienty padmurka budynka časoŭ Lva Sapiehi
U Lachavičach pachvalilisia kopijaj histaryčnaha zamka, jakaja musić pryciahnuć turystaŭ — čatyry budki bolš nahadvajuć prybiralni
Ekskursavoda z Ružanskaha zamka adpravili za kraty — padobna, za Hajun
Ułady chočuć zrabić Navahrudak horadam-muziejem
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary