Ekspazicyi stavić pačnuć bližej da viasny.
U Minsku praciahvajecca budaŭnictva Nacyjanalnaha histaryčnaha muzieja.
Maksim Kotaŭ, dyrektar dyrekcyi pa budaŭnictvie muzieja, raskazaŭ na STB pra chod rabot: «Piać pavierchaŭ vyviedziena. Jašče iduć azdobnyja pracy, plitku kładuć, ale ŭ asnoŭnym karkas skončany».
«Raboty mastackaha kambinata pa ekspazicyi ŭžo pačaty. Praca mastakoŭ na abjekcie pa stvareńni ekspazicyjnych załaŭ, ja dumaju, pačniecca bližej da viasny», — dadaŭ jon.
Adnačasova idzie prajektavańnie i budaŭnictva budučaha muzieja. U arcy pierad muziejem źmianili materyjały, kab atrymałasia tańniej.
U 2025 hodzie na budaŭnictva muzieja patracili kala 90 miljonaŭ rubloŭ. Vyłučana było 86 miljonaŭ, plus kala 5 miljonaŭ pieradali z subotnika.
Nahadajem, muziej budzie znachodzicca ŭ rajonie vulicy Arłoŭskaj, a budynak paŭtoryć kontur Biełarusi. Na fasadzie novaha muzieja źmieściać znakavych dla Biełarusi asob, jakich uzhadnili aficyjnyja ŭłady — ni kniaź Vitaŭt, ni piśmieńnik Vasil Bykaŭ, ni paŭstaniec Kastuś Kalinoŭski, naprykład, tudy nie ŭvajšli. Pabudavać muziej płanavali da 2027 hoda.
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła10
Kamientary