Słavakija pierastała pastaŭlać Ukrainie elektraenierhiju
Premjer-ministr Słavakii Robiert Fica zajaviŭ, što z 23 lutaha kraina spyniaje avaryjnyja pastaŭki elektraenierhii va Ukrainu. Pavodle jaho słoŭ, kali Kijeŭ źvierniecca pa dapamohu dla stabilizacyi enierhasistemy, Słavakija bolš nie budzie jaje akazvać.
Robiert Fica. Skrynšot ź videa
Fica śćviardžaje, što hetaje rašeńnie nie parušaje mižnarodnych abaviazacielstvaŭ krainy. Jon taksama adznačyŭ, što pastaŭki mohuć adnavicca, kali Ukraina adnović tranzit nafty praz naftapravod «Družba» ŭ bok Słavakii. Pavodle jaho pazicyi, heta adkaz na spynieńnie tranzitu rasijskaj nafty.
Padobnyja zajavy pra mahčymyja abmiežavańni ŭ adnosinach da Ukrainy rabili i ŭłady Vienhryi. Raniej ukrainski bok paviedamiŭ, što transpartavańnie nafty pa «Družbie» było pierapyniena paśla rasijskaj ataki.
U słavackaj apazicyi rašeńnie ŭrada raskrytykavali, nazvaŭšy jaho pamyłkovym i palityčna matyvavanym.
Čytajcie taksama:
Vienhryja nie razbłakuje pryniaćcie 20‑ha pakieta sankcyj da adnaŭleńnia pracy trubapravoda «Družba»
Jeŭrasajuz nie patrabuje ad Ukrainy chutka ramantavać naftapravod «Družba»
Adrezanaja ad naftapravoda «Družba» Słavakija kupiła siem tankieraŭ nafty ŭ inšych krainach