Vienhryja i Słavakija pierastali pastaŭlać Ukrainie dyzielnaje paliva za admovu ŭ tranzicie rasijskaj nafty
Vienhryja i Słavakija prypynili ekspart dyzielnaha paliva va Ukrainu paśla spynieńnia pastavak rasijskaj nafty praz trubapravod «Družba». Abiedźvie krainy zajavili, što spynieńnie pastavak źviazana ź nieabchodnaściu harantavać ułasnaje enierhazabieśpiačeńnie paśla paškodžańnia trubapravoda ŭ vyniku rasijskaha avijaŭdaru pa terytoryi Ukrainy 27 studzienia, paviedamlaje Euronews.
Vienhryja taksama abvinavaciła Ukrainu ŭ palityčnym šantažy i ŭmiašańni. Ministr zamiežnych spraŭ Vienhryi Pieter Sijarta adznačyŭ, što Ukraina maje nieabchodnyja resursy i čas dla ramontu trubapravoda, a admova ad adnaŭleńnia pastavak nafty — palityčnaje rašeńnie ŭkrainskaha prezidenta Uładzimira Zialenskaha. Jon padkreśliŭ, što pastaŭki dyzielnaha paliva va Ukrainu nie buduć adnoŭlenyja, pakul Ukraina nie adnović pracu trubapravoda.
Słavakija pryniała anałahičnyja miery: dziaržaŭny naftapierapracoŭčy zavod Slovnaft spyniaje ŭsie ekspartnyja pastaŭki dyzielnaha paliva, kab zabiaśpiečyć patreby ŭnutranaha rynku. Akramia taho, Słavakija vydzieliła 250 000 ton nafty sa svaich nadzvyčajnych reziervaŭ. Pradstaŭniki Słavakii zajavili, što ŭsio, što budzie pierapracoŭvacca ŭ krainie, pryznačana vyklučna dla ŭnutranaha spažyvańnia.
Abiedźvie krainy źviarnulisia da Jeŭrakamisii z prośbaj dazvolić transpartavańnie rasijskaj nafty praz charvackija party, kab zabiaśpiečyć pastaŭki, ale Charvatyja admoviła, spasyłajučysia na mahčymyja parušeńni amierykanskich sankcyj. U toj ža čas Jeŭrakamisija zajaŭlaje, što enierhietyčnaja biaśpieka Vienhryi i Słavakii nie znachodzicca pad pahrozaj, bo ŭ abiedźviuch krainach dastatkovyja reziervy nafty.
Ukraina ŭ hety čas sutyknułasia z surjoznym enierhietyčnym kryzisam: paškodžańni infrastruktury, vyklikanyja rasijskimi ŭdarami ŭ zimovy pieryjad, pryviali da deficytu enierharesursaŭ, što ŭzmacniaje napružanaść u pytańniach pastavak i tranzitu nafty praz terytoryju krainy.
«Para spynić heta vajennaje śpiekulanctva». Charvatyja admoviłasia transpartavać ŭ Vienhryju i Słavakiju rasijskuju naftu, ale hatovaja pamahčy ź inšaj
Spynilisia apošnija pastaŭki rasijskaj nafty ŭ Jeŭrasajuz. Rasija sama razbambiła naftapravod
ZŠA abmiarkujuć ź Vienhryjaj i Słavakijaj admovu ad rasijskaha hazu
Viktar Orban nazvaŭ Ukrainu voraham Vienhryi
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha36
Kamientary