Fica: Słavakija prypynić pastaŭki elektraenierhii va Ukrainu, kali Kijeŭ budzie pieraškadžać pastaŭkam nafty praz «Družbu»
«Słavakija — hordaja i suvierennaja kraina, i ja — hordy i suvierenny słavak», — zajaviŭ premjer Fica.
«Z pačatku vajny Słavakija akazvaje dapamohu Ukrainie. Adnak prezident Ukrainy nie žadaje razumieć naš mirny padychod i za toje, što my nie padtrymlivajem vajnu, pavodzić siabie pa adnosinach da Słavakii niadobrazyčliva. Spačatku byli spynieny pastaŭki hazu ŭ Słavakiju, što naniesła nam škodu sumaj 500 młn jeŭra na hod. Ciapier spynieny pastaŭki nafty, što ciahnie za saboj dadatkovyja straty i łahistyčnyja ciažkaści», — havorycca z dopisie premjera Słavakii.
«Kali na Zachadzie nie vyklikaje piarečańnia toj fakt, što byŭ padarvany hazapravod «Paŭnočny patok», Słavakija nie moža mirycca z tym, kab słavacka-ŭkrainskija adnosiny pieratvaralisia ŭ «bilet u adzin bok», vyhadny vyklučna Ukrainie. Słavakija — hordaja i suvierennaja kraina, i ja — hordy i suvierenny słavak. Kali da paniadziełka pastaŭki nafty ŭ Słavakiju nie buduć adnoŭlenyja, ja źviarnusia da dziaržaŭnaj kampanii SEPS z patrabavańniem spynić avaryjnyja pastaŭki elektraenierhii va Ukrainu. Tolki ŭ studzieni 2026 hoda abjom hetych ekstrannych pastavak, nieabchodnych dla stabilizacyi ŭkrainskaj enierhasistemy, byŭ udvaja bolšym, čym za ŭvieś 2025 hod.
Va ŭmovach takoha nieprymalnaha staŭleńnia prezidenta Zialenskaha da Słavakii jak da varožaj dziaržavy liču całkam pravilnym svajo rašeńnie admovicca ad udziełu Słavackaj Respubliki ŭ najnoŭšym vajskovym kredycie dla Ukrainy sumaj 90 młrd jeŭra», — dadaŭ Robiert Fica.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Kak žie oni płotno posažieny, ich karmany, na babki putina, nu priamo kopii, po karmanam, našieho, vlublonnoho v putina, Rośsiju i russkich.
słavaččyna jakraz tradycyjna chvareje na "pansłavizm" i simpatyzuje rašcy jak "starejšamu bratu".
Vienhryja - asobny kiejs, heta histaryčna "pakryŭdžanaja ŭsim śvietam" kraina (kštałtu Hiermanii paśla Vialikaj vajny), i Orban hetyja kryŭdy ŭmieła raspalvaje.
Jasna, što hałoŭnaja pryčyna palahaje ŭ karumpavanaści ŭładaŭ, ale ja ž kažu, čamu vybarcy za hetaje haŭno hałasujuć.