Iran, vierahodna, zakryŭ Armuzski praliŭ

Šerah ŚMI paviedamlajuć pra mahčymaje prypynieńnie sudnachodstva ŭ Armuzskim pralivie — adnym z klučavych maršrutaŭ dla suśvietnych pastavak nafty.

Armuzski praliŭ. Zdymak sa spadarožnika: Wikimedia Commons

Iranskaje ahienctva Tasnim, jakoje źviazvajuć z Korpusam vartavych isłamskaj revalucyi, sa spasyłkaj na krynicy paviedamiła pra zakryćcio praliva. U toj ža čas Brytanskaja arhanizacyja marskoj handlovaj biaśpieki adznačyła, što šerah sudnaŭ atrymali paviedamleńni pra spynieńnie ruchu praz hety ŭčastak.

Aficyjnych zajaŭ ad uładaŭ Irana pra zakryćcio praliva pakul nie było.

Pa infarmacyi Reuters, spadarožnikavyja zdymki śviedčać, što ŭsio bolš sudnaŭ kancentrujecca kala bujnych partoŭ rehijona, u tym liku kala Fudžejry ŭ Abjadnanych Arabskich Emiratach, zamiest taho kab ruchacca ŭ bok praliva.

Armuzski praliŭ ličycca adnym z najvažniejšych marskich handlovych šlachoŭ u śviecie: praź jaho transpartujecca kala piataj častki hłabalnych pastavak nafty i hazu.

28 lutaha prezident ZŠA Donald Tramp abviaściŭ pra pačatak maštabnaj apieracyi suprać Irana; razam z ZŠA ŭdary nanosiŭ i Izrail. Taksama jon zaklikaŭ irancaŭ skarystać momant dla źmienaŭ u krainie. Iranskija ŭdary ŭ adkaz zakranuli šerah dziaržaŭ rehijona, dzie raźmieščanyja amierykanskija vajskovyja bazy.

Kamientary da artykuła