Z pašpartam Novaj Biełarusi možna budzie prahałasavać na vybarach u Kaardynacyjnuju radu
Vybarčaja kamisija Kaardynacyjnaj rady 2 sakavika vyznačyła pieralik dakumientaŭ, ź jakimi možna budzie pryniać udzieł u hałasavańni na vybarach u Kaardynacyjnuju radu, jakija projduć sioleta ŭ mai.
Pašpart Novaj Biełarusi
Prahałasavać dazvolać jak ź dziejnym, tak i z praterminavanym pašpartam hramadzianina Biełarusi, a taksama z pašpartam Novaj Biełarusi.
Sa słoŭ staršyni vybarčaj kamisii Aleny Prychodźki, takoje rašeńnie pryniataje, kab zabiaśpiečyć mahčymaść udziełu ŭ vybarach dla tych biełarusaŭ, jakija zastalisia biez dakumientaŭ. Havorka idzie pra ludziej, niadaŭna vyzvalenych ź biełaruskich turmaŭ i prymusova departavanych, časta biez pašpartoŭ.
Vybary ŭ Kaardynacyjnuju radu čaćviortaha sklikańnia zapłanavanyja na 11—17 maja.