Asudzili eks-načalnika śledčaha ŭpraŭleńnia Mahilova, jakomu KDB vyrabiła fejkavy pašpart «Novaj Biełarusi»
59‑hadovy Dźmitryj Šyškoŭ asudžany pa kryminalnym artykule «sadziejničańnie ekstremisckaj dziejnaści».
Mahiloŭski abłasny sud vynies prysud 59‑hadovamu byłomu śledčamu Dźmitryju Šyškovu. Byłoha śledčaha sudzili pa artykule 361‑4 Kryminalnaha kodeksa — «sadziejničańnie ekstremisckaj dziejnaści». Jamu prysudzili ci chimiju z nakiravańniem, ci kałoniju. Adnak termin nieviadomy — tearetyčna Šyškoŭ moh całkam adbyć jaho ŭ SIZA abo atrymać umoŭnaje pakarańnie.
Dźmitryj Šyškoŭ — były śledčy. U 2010‑m byŭ pastaŭleny načalnikam śledčaha ŭpraŭleńnia UUS Mahiloŭskaha abłvykankama. Paźniej jaho adpravili pracavać u Śledčy kamitet.
Apošniaje miesca pracy — infarmacyjnaje ahienctva «Mahiloŭskija viedamaści». Praŭda, materyjałaŭ za jaho podpisam nie adšukać. Mahčyma, u ahienctvie Šyškoŭ adkazvaŭ za biaśpieku. U efiry ANT śćviardžali, što Šyškova zvolnili adtul za palityčnyja pohlady ŭ 2023-m.
U sakaviku 2024 hoda na ANT pakazali pašpart «Novaj Biełarusi», vyrableny na imia Šyškova. Adnak dakumient vidavočna byŭ fejkavym. Proźvišča śledčaha pa-biełarusku napisali z pamyłkaj — praz ruskuju «i».
«Naša Niva» — bastyjon biełaruščyny
PADTRYMAĆ
Kamientary