Bolšaść «žanočych» vulic u Biełarusi nazvanyja ŭ honar Krupskaj i Cieraškovaj

Napiaredadni 8 sakavika ŭ Nacyjanalnym kadastravym ahienctvie raskazali, u honar jakich žančyn nazvanyja vulicy ŭ nasielenych punktach Biełarusi. Čaściej za ŭsio viadomyja žančyny, jakija ŭdastoilisia takoha honaru — nie biełaruski.

Fota ilustracyjnaje

Pavodle źviestak viedamstva, najbolš raspaŭsiudžanyja «žanočyja» nazvy vulic takija: 71 vulica nazvanaja ŭ honar žonki Lenina Nadziei Krupskaj, 49 — u honar savieckaj kasmanaŭtki Valanciny Cieraškovaj, 46 — kamsamołki Zoi Kasmadziamjanskaj, 40 — padpolščycy Viery Charužaj i 35 — savieckaj lotčycy Paliny Asipienka.

Akramia taho, u roznych rehijonach krainy jość šmat vulic i zavułkaŭ z nazvaj «8 Sakavika». U Bresckaj vobłaści ich 90, u Viciebskaj — 8, u Homielskaj — 33, u Hrodzienskaj — 37, u Minskaj — 39, u Mahiloŭskaj — 14.

Kamientary da artykuła