U Biškieku źniknuć vulicy i praśpiekty Lenina, Tałstoha, Maksima Horkaha
Padčas masavaha pierajmienavańnia vykidvajuć rasijskija i savieckija taponimy.
U stalicy Kyrhyzstana Biškieku zaćvierdzili masavaje pierajmienavańnie vulic. Mnohija klučavyja praśpiekty i vulicy atrymajuć unifikavanyja nazvy.
U Biškieku histaryčna skłałasia tak, što praśpiekt moža być padzieleny na niekalki častak, u kožnaj ź jakich jość nazva. Ciapier vyrašana pazbavicca ad błytaniny.
Niešta padobnaje adbyvałasia ŭ Minsku ŭ siaredzinie 2000-ch, kali vulicy Varvašeni, Drazda, Ijerusalimskaja byli abjadnanyja pad nazvaj praśpiekt Mašerava. Anałahična i ŭłady Biškieka vyrašyli pakidać tolki adnu nazvu dla ŭsiaho praśpiekta.
Prarasijskija aktyvisty ŭ šalenstvie, bo vykidajucca mienavita rasijskija i savieckija taponimy. Naprykład, vulica Maksima Horkaha pieraciakała ŭ vulicu Ankary. A ciapier usio heta budzie vulica Ankary.
Spałučeńnie vulic Frunze — Den Siaapina — Čuj — Šabdana Baatyra budzie nazyvacca praśpiekt Čuj (Biškiek administratyŭna znachodzicca ŭnutry Čujskaj vobłaści).
Ale kab nie prapała imia kirhizskaha dziejača 19 stahodździa Šabdana Baatyra, u jaho honar źbiralisia nazvać vulicu, jakaja raniej składałasia z vulic Lva Tałstoha i biezabličnaj Puciepravodnaj.
Praśpiekt Žybiek Žału, praśpiekt Pieramohi, vulica Lenina — usio heta abjadnoŭvajecca ŭ praśpiekt Žybiek Žału (Vialiki šaŭkovy šlach), vykidajučy Lenina na zvałku historyi.
Taksama źnikajuć z tapanimiki Biškieka praśpiekt Maładoj Hvardyi i vulica Mikałaja Hohala.
Paśla taho, jak reforma budzie realizavanaja, pačnie dziejničać 20‑hadovy maratoryj na pierajmienavańnie vulic.
Kamientary