Madžtaba Chamieniei aficyjna staŭ Viarchoŭnym lidaram Irana
Syn zahinułaha viarchoŭnaha kiraŭnika Irana Ali Chamieniei — 56‑hadovy Siejed Madžtaba Chamieniei — staŭ novym Viarchoŭnym lidaram Isłamskaj Respubliki. Pra heta paviedamlaje dziaržaŭnaje ahienctva Irana Fars sa spasyłkaj na Radu ekśpiertaŭ.
Madžtaba Chamieniei
«Na siońniašnim nadzvyčajnym pasiadžeńni, na padstavie vyrašalnaj bolšaści hałasoŭ pradstaŭnikoŭ, pryznačaje i abviaščaje ajatału Siejeda Madžtabu Chasiejni Chamieniei (chaj zachoŭvaje jaho Boh) trecim lidaram śviatoj sistemy Isłamskaj Respubliki Iran», — havorycca ŭ paviedamleńni.
Madžtaba Chamieniei — šyicki duchoŭny dziejač, jaki maje značny ŭpłyŭ u iranskich palityka-relihijnych kołach. Na praciahu doŭhaha času jon zajmaŭ važnyja pasady ŭ administracyi viarchoŭnaha lidara i ciesna supracoŭničaŭ z Korpusam vartavych isłamskaj revalucyi.
Pavodle paviedamleńniaŭ, Rada ekśpiertaŭ abrała Madžtabu Chamieniei Viarchoŭnym lidaram 8 sakavika. Pra toje, što ŭdałosia dasiahnuć zhody pa kandydatury, raniej paviedamiŭ člen rady Machamad Miechdzi Mirbahiery.
Čytajcie taksama:
U syna Chamieniei jość elitnaja nieruchomaść u Łondanie pad bokam u izrailskaj ambasady
Izrail budzie ličyć luboha novaha lidara Irana «biezumoŭnaj mišeńniu dla likvidacyi»
Novym kiraŭnikom Irana abrali syna zabitaha ajatały Chamieniei — iranskija emihranckija ŚMI