Tramp niezadavoleny abrańniem Madžtaby Chamieniei
Prezident ZŠA i raniej vykazvaŭ niezadalnieńniem jaho kandydaturaj.
Fota: Chip Somodevilla / Getty Images
Donald Tramp «niezadavoleny» pryznačeńniem Iranam Madžtaby Chamieniei novym viarchoŭnym lidaram Irana, paviedamiŭ telekanał Fox News.
Viadučy Brajan Kiłmid zajaviŭ, što pahutaryŭ z prezidentam ZŠA paśla abviaščeńnia ab abrańni novaha lidara, i toj skazaŭ jamu: «Ja niezadavoleny».
Kiłmid nie pryvioŭ dadatkovych padrabiaznaściaŭ.
Raniej Tramp paśla paviedamleńniaŭ ŚMI pra toje, što Madžtaba Chamieniei staŭ najbolš vierahodnym kandydatam na pasadu viarchoŭnaha lidara Irana, zajaŭlaŭ, što jaho nie zadavalniaje hetaja kandydatura.
Amierykanski prezident patrabavaŭ, kab pry vybary lidara Irana ŭličvali pazicyju Złučanych Štataŭ Amieryki, jakija znachodziacca ŭ stanie vajny z Tehieranam, a Izrail papiaredžvaŭ, što novy lidar stanie dla jaho mišeńniu.
Čytajcie taksama:
Madžtaba Chamieniei aficyjna staŭ Viarchoŭnym lidaram Irana
Što viadoma pra Madžtabu Chamieniei, jakoha abrali viarchoŭnym lidaram Irana?
U syna Chamieniei jość elitnaja nieruchomaść u Łondanie pad bokam u izrailskaj ambasady