Pad pravierku bajavoj hatoŭnaści trapili VPS i SPA

Pravierka bajavoj hatoŭnaści biełaruskaha vojska praciahvajecca ŭ vajskova-pavietranych siłach i vojskach supraćpavietranaj abarony, paviedamiŭ dziaržaŭny sakratar Rady biaśpieki Alaksandr Valfovič.

Alaksandr Valfovič (sprava) pravodzić pravierku bajavoj hatoŭnaści VPS i SPA. Fota: BiełTA 

Sa słoŭ Valfoviča, Alaksandr Łukašenka daručyŭ pravieści poŭnamaštabnuju pravierku bajavoj hatoŭnaści vojska, jakaja pavinna zaviaršycca vučeńniami. Asnoŭnaj zadačaj dla vojska ŭ hetym hodzie vyznačana zachavańnie dasiahnutaha ŭzroŭniu hatoŭnaści, vysokaj padrychtoŭki i zładžanaści padraździaleńniaŭ.

Valfovič adznačyŭ, što pravierka asabliva aktualnaja dla VPS i vojskaŭ SPA, bo, maŭlaŭ, navat u mirny čas jany vykonvajuć bajavuju zadaču achovy pavietranaj prastory i miežaŭ Biełarusi. Tamu nieabchodna pierakanacca, što VPS i SPA zdolnyja supraćstajać sučasnym pahrozam.

Padčas pravierki buduć aceńvać zdolnaść chutka pavialičyć skład dziažurnych sił, a taksama mahčymaść supraćstajać mahčymym srodkam pavietranaha napadu. Asobna buduć adpracoŭvacca zadačy avijacyjnaj padtrymki vojskaŭ.

Bolšaść vajskovych čaściej, u tym liku padraździaleńni sił nieadkładnaha reahavańnia, vysoŭvajucca ŭ vyznačanyja rajony, dzie pačnuć umoŭnaje niasieńnie bajavoha dziažurstva. Vajskovaja avijacyja taksama budzie adpracoŭvać pierabazavańnie na roznyja aeradromy, u tym liku zapasnyja i apieratyŭnyja.

Akramia taho, padčas pravierki ŭmoŭna buduć dziejničać dyviersijna-raźviedvalnyja hrupy supraciŭnika. Budzie praviaracca, jak vojski arhanizujuć achovu, vartavuju słužbu i ahulnaje zabieśpiačeńnie.

Kamientary da artykuła