Makron prybyŭ ź vizitam na avijanosiec i fłahman francuzskich VMS «Šarl de Hol»
9 sakavika prezident Francyi Emanuel Makron paśla svajho vizitu na Kipr prybyŭ na bort avijanosca «Šarl de Hol» (Charles de Gaulle, R91) u Mižziemnym mory. Pavodle słoŭ prezidenta Francyi, rašeńnie ab razhortvańni avijanosca ŭ Mižziemnamorji było pryniata dla abarony francuzskich hramadzian u rehijonie».
Fota: Gonzalo Fuentes/Pool Photo via AP
Pry hetym Makron zajaviŭ, što Francyja nie ŭdzielničaje ŭ kanflikcie na Blizkim Uschodzie.
«Francyja nie ŭdzielničaje ŭ kanflikcie, jaki praciahvajecca… Akramia taho, vaša prysutnaść nakiravana na abaronu našych sajuźnikaŭ i siabroŭ. Siarod inšaha, Kipra», — zajaviŭ na borcie avijanosca Makron.
Raniej paviedamlałasia, što Francyja maje ŭznačalić marskuju misiju Jeŭrasajuza «Aśpides», jakaja rasčyścić darohu pastaŭkam nafty i hazu ź Piersidskaha zaliva praz Armuzski praliŭ.
Čytajcie taksama:
Makron zajaviŭ pra namier Francyi razam ź inšymi krainami Zachadu razbłakavać Armuzski praliŭ
Tramp: Vajna ŭ Iranie «praktyčna skončanaja»
Tankier z saudaŭskaj naftaj prajšoŭ praz Armuzski praliŭ, niahledziačy na błakadu z boku Irana
Tramp: Ceny na naftu ŭpaduć paśla źniščeńnia jadziernaj prahramy Irana