U Viciebsku zdajecca ŭ arendu budynak, u jakim vučyŭsia Mark Šahał
Na vulicy Kalinava, 1, u Viciebsku znachodzicca ŭnikalny abjekt — budynak byłoha chiedera (pačatkovaj škoły).
Heta adzin ź niamnohich zachavanych pomnikaŭ, jakija śviedčać pra šmatviakovuju prysutnaść jaŭrejskaj hramady ŭ horadzie. Kaštoŭny jon jašče i tym, što tut z rańnich hadoŭ vučyŭsia mastak Mark Šahał, piša Onliner.by.
Miascovyja ŭłady chočuć, kab u dvuchpaviarchovym budynku źjaviłasia niešta karysnaje dla ludziej. Tamu abviaścili konkurs arandataraŭ.
Prava arendy budynka pradajecca na placoŭcy «BUTB-Majomaść». Ahulnaja płošča abjekta — 591 kv. m. Heta značyć, što možna razharnucca i raźmiaścić na pavierchach što zaŭhodna. Arenda abydziecca ŭ 1791,18 rubla ŭ miesiac. Ale za hetuju mahčymaść daviadziecca pazmahacca na aŭkcyjonie. Pačatkovy košt łota — 1845,28 rubla.
— Miascovyja ŭłady chočuć, kab u budynku raźmiaścilisia haścinica i abjekt hramadskaha charčavańnia, — adznačajuć u «BUTB-Majomaść». Zajaŭki na ŭdzieł u tarhach prymajucca da 6 krasavika, a sam aŭkcyjon projdzie 9 krasavika. Cikava, što paźniej arandatar moža vykupić arandavanuju majomaść.
Kamientary