Kala Kanhresa ZŠA pastavili statuju Trampa ŭ abdymkach Epštejna na nosie «Tytanika»

Kala budynka Kanhresa ZŠA źjaviłasia niezvyčajnaja skulptura. Jaje pastavili nočču za niekalki krokaŭ ad Kapitolija. Kampazicyja pakazvaje prezidenta ZŠA Donalda Trampa i finansista Džefry Epštejna, jakija stajać na nosie karabla ŭ pozie ź viadomaj sceny filma «Tytanik», piša Bild.

Statuja zroblena ŭ załacistym kolery i adsyłaje da epizodu ź filma 1997 hoda, dzie hierainia Roŭz staić pierad Džekam na nosie karabla, razvodzić ruki i nibyta «lacić» nad moram.

Adkaznaść za ŭstalavańnie instalacyi ŭziała na siabie ananimnaja hrupa, jakaja nazyvaje siabie The Secret Handshake. Svaju rabotu jany nazvali «Karol śvietu». Pavodle słoŭ udzielnikaŭ kalektyvu, jany chacieli stvaryć mastacki abjekt, jaki adlustroŭvaŭ by ciapierašni momant u amierykanskaj historyi.

Na šyldzie kala skulptury napisana, što pomnik pryśviečany suviazi pamiž Donaldam Trampam i Džefry Epštejnam, jakaja, jak śćviardžajecca, uklučała sumiesnyja pajezdki, hučnyja viečarynki i inšyja formy znajomstva.

Amierykanski miljanier Džefry Epštejn byŭ asudžany za ŭciahvańnie niepaŭnaletnich u prastytucyju, a ŭ 2019 hodzie skončyŭ žyćcio samahubstvam u turmie. U minułym Tramp padtrymlivaŭ ź im znajomstva, i jahonaje imia zhadvajecca ŭ niekatorych dakumientach, źviazanych z hetaj spravaj. Sam fakt zhadvańnia nie aznačaje ŭdziełu ŭ złačynstvie, adnak krytyki śćviardžajuć, što ŭłady ZŠA niedastatkova adkryta publikujuć materyjały tak zvanych fajłaŭ Epštejna i što častka infarmacyi moža zastavacca zakrytaj.

Kamientary da artykuła