Iranski pasoł paśla sustrečy z Łukašenkam: Amierykanski ŭdar pa škole byŭ achviaraprynašeńniem duchu djabła
Pasoł Irana ŭ Biełarusi Alireza Saniei 4 sakavika sustreŭsia z Łukašenkam, a paśla taho na pres-kanfierencyi sprytna źviazaŭ toje, što adbyvajecca ŭ Iranie, sa skandałam vakoł fajłaŭ abvinavačanaha ŭ seksualnych złačynstvach amierykanskaha finansista Džefry Epštejna.
Saniei zajaviŭ žurnalistam, što hibiel ad udaru bomby pa iranskaj škole vialikaj kolkaści dziaŭčynak nibyta źviazana z kultam Džefry Epštejna i maje charaktar rytualnaha achviaraprynašeńnia.
Pavodle vykładzienaj im viersii:
«Na vostraŭ Epštejna pryvozili dziaciej z roznych krain, było žorstkaje abychodžańnie, zhvałtavańni i potym achviaraprynašeńni, jany prynosili achviaru duchu djabła».
Dypłamat śćviardžaje, što padobnyja dziejańni źviazanyja ź imknieńniem dasiahnuć pośpiechu praz achviaraprynašeńni.
Saniei adznačyŭ, što škoła dla dziaŭčynak stała adnoj ź pieršych celaŭ padčas ataki ZŠA na Iran, i vykazaŭ mierkavańnie, što heta mahło być zroblena mienavita z metaj pryniasieńnia dziaciej u achviaru.
Cikava pry hetym, što biełaruskija dziaržaŭnyja ŚMI, davoli aktyŭna aśviatlajučy pres-kanfierencyju iranskaha pasła i ščodra jaho cytujučy, akurat hetaje vykazvańnie ci abychodziać, ci zhadvajuć mimachodź ahulnymi słovami. Padrabiazna spynilisia na im, zhadvajučy ŭ tym liku i Epštejna, tolki rasijskija ŚMI.
Avijaŭdar pa iranskaj škole, pra jaki havaryŭ pasoł, byŭ naniesieny 28 lutaha 2026 hoda pamiž 10:00 i 10:45 ranicy. Jak paviedamlałasia, avijabombaj była razburanaja pačatkovaja škoła dla dziaŭčynak «Šadžare Taiba» ŭ horadzie Minab (pravincyja Charmazhan). Budynak škoły byŭ źniščany bolš čym napałovu; videamateryjały ź miesca padziei byli vieryfikavanyja najbujniejšymi suśvietnymi ŚMI (The New York Times, Reuters, BBC). Jak śćviardžajuć iranskija ŭłady, zahinuli ad 165 da 180 čałaviek, bolšaść ź jakich — dzieci va ŭzroście ad 7 da 12 hadoŭ. Niezaležnych paćviardžeńniaŭ takoj kolkaści pakul što atrymać nie ŭdałosia.
Źjaviłasia VIDEA tarpiednaha ŭdaru pa iranskim frehacie Dena. Jaho až uźniało nad vadoju
Izrail nanios udar pa Chamieniei sa strataśfiery. Biez papiaredniaha ŭdaru pa SPA, jak zvyčajna ŭ sučasnych vojnach
Łukašenka: Vierałomny napad Izraila pry padtrymcy ZŠA na Iran nieprymalny
Izrail budzie ličyć luboha novaha lidara Irana «biezumoŭnaj mišeńniu dla likvidacyi»
U Izraili zajavili pra ŭdar pa iranskim abjekcie, na jakim raspracoŭvali jadziernuju zbroju
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ12
Kamientary