Tramp zajaviŭ, što ZŠA bolš nie majuć patreby ŭ dapamozie krain NATA
Prezident ZŠA Donald Tramp napisaŭ u svajoj sacsietcy Truth Social, što «bolšaść sajuźnikaŭ» pa NATA paviedamili Vašynhtonu, što nie chočuć umiešvacca ŭ vajennuju apieracyju ZŠA i Izraila suprać Irana. Heta vyklikała ŭ jaho mocny hnieŭ.
«Amal kožnaja z hetych krain całkam pahadžałasia z našymi dziejańniami i pryznavała, što Iranu ni ŭ jakim razie nielha dazvolić mieć jadziernuju zbroju.
Ja nie ździŭleny ich dziejańniami, adnak tolki tamu, što ja zaŭsiody ličyŭ NATA, dzie my tracim sotni miljardaŭ dalaraŭ na hod, abaraniajučy tyja samyja krainy, darohaj z adnabakovym rucham — my budziem abaraniać ich, ale jany ničoha nie zrobiać dla nas u vypadku patreby.
Na ščaście, my razburyli iranskuju armiju — ich fłot źniščany, ich pavietranyja siły źniščanyja, ich supraćpavietranaja abarona i radyjołakacyjnyja sistemy źniščanyja i, mahčyma, samaje hałoŭnaje, ich kiraŭniki amal usich uzroŭniaŭ źniščanyja, kab nikoli bolš nie pahražać nam, našym sajuźnikam na Blizkim Uschodzie ci śvietu!
Dziakujučy tamu, što my dasiahnuli takoha vajennaha pośpiechu, my bolš nie «majem patreby» i nie žadajem dapamohi krain NATA — my i nikoli ŭ joj nie mieli patreby! Toje samaje tyčycca Japonii, Aŭstralii ci Paŭdniovaj Karei», — napisaŭ Tramp.
«Aburalnaj fanaberystaściu» nazvaŭ niežadańnie Jeŭropy dałučacca da vajny, raźviazanaj ZŠA ŭ Iranie, i amierykanski sienatar-respublikaniec Lindsi Hrem.
Kamientujučy svaju razmovu z Trampam pra niežadańnie jeŭrapiejskich sajuźnikaŭ vydzielić resursy dla zabieśpiačeńnia funkcyjanavańnia Armuzskaha praliva, Hrem adznačyŭ: «Nikoli ŭ žyćci ja nie čuŭ ad jaho takoha hnievu».
«Fanaberystaść našych sajuźnikaŭ, jakija ličać, što Iran ź jadziernaj zbrojaj nie źjaŭlajecca surjoznaj prablemaj, a vajennyja dziejańni, nakiravanyja na toje, kab nie dać ajatołam atrymać jadziernuju bombu, źjaŭlajucca našaj prablemaj, a nie ichniaj, — heta prosta aburalna. Jeŭrapiejski padychod da strymlivańnia jadziernych ambicyj ajatołaŭ akazaŭsia žałasnaj parazaj. Nastupstvy niedastatkovaj dapamohi ŭ zabieśpiačeńni funkcyjanavańnia Armuzskaha praliva buduć maštabnymi i hłybokimi dla Jeŭropy i Amieryki», — napisaŭ Hrem u sacsietcy Ch.
Tramp zajaviŭ, što «ŭziać Kubu ŭ toj ci inšaj formie» — heta «vialiki honar»
Tramp paprasiŭ pieranieści vizit u Kitaj na miesiac
Tramp: Ja da ich źviartajusia nie tamu, što jany nam patrebnyja, a chaču pahladzieć na reakcyju
«Uzrovień entuzijazmu dla mianie maje značeńnie». Tramp zhadaŭ pra krainy, jakija nie chočuć dapamahać jamu ŭ Armuzskim pralivie
Vialikabrytanija i Hiermanija admovilisia adpraŭlać karabli ŭ Armuzski praliŭ
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy15
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary