U Polščy zatrymali biełarusa za ŭdzieł u telefonnym machlarstvie
U Polščy zatrymali 23‑hadovaha hramadzianina Biełarusi, jakoha padazrajuć va ŭdziele ŭ machlarstvie pa schiemie «supracoŭnik banka». Sud pastanaviŭ uziać jaho pad vartu na try miesiacy, paviedamlaje palicyja horada Kielcy.
Incydent adbyŭsia 16 sakavika, kali nieviadomy čałaviek patelefanavaŭ 35‑hadovaj žančynie z Kielcaŭ i, vydajučy siabie za rabotnika banka, paviedamiŭ pra nibyta pahrozu jaje srodkam. Jon pierakanaŭ jaje, što hrošy treba terminova pieravieści na «biaśpiečny rachunak».
Žančyna, pavieryŭšy i dziejničajučy ŭ stresie, vykanała jaho instrukcyi i straciła svaje hrošy. Paźniej, u tym liku dziakujučy papiaredžańniam supracoŭnikaŭ banka, jana zrazumieła, što stała achviaraj machlaroŭ, i źviarnułasia ŭ palicyju.
Pravaachoŭniki ŭstanavili asobu padazravanaha i zatrymali jaho va Urocłavie. Paśla hetaha sud pastanaviŭ časova aryštavać biełarusa na try miesiacy.
Čytajcie taksama:
Biełaruska chacieła atrymać u polskim banku ipateku, a ciapier moža sieści na piać hadoŭ
15‑hadovaja školnica z-pad Minska vyniesła z domu ŭsie hrošy baćkoŭ i schavała pad drevam
U siecivie ludziej łoviać na rozyhryš nibyta ad imia «Jeŭraopta»