ZŠA aficyjna źniali sankcyi z «Biełaruśkalija», Bielinviestbanka i Minfina
26 sakavika 2026 hoda Ministerstva finansaŭ ZŠA abjaviła pra vyklučeńnie sa svajho sankcyjnaha śpisu «Biełaruśkalija» i «Biełaruskaj kalijnaj kampanii». Taksama sankcyi źniatyja z ukrainskaj kampanii «Ahrorozkvit», jakaja zajmałasia handlem biełaruskim kalijem.
Zdymak ilustracyjny. Fota: gohome.by
Akramia taho, u ZŠA vydali novuju licenziju dla praviadzieńnia asobnych finansavych apieracyj ź Bielinviestbankam i inšymi arhanizacyjami. Taksama admieniena dyrektyva, jakaja raniej abmiažoŭvała pracu Ministerstva finansaŭ Biełarusi i Banka raźvićcia, u tym liku pa apieracyjach ź dziaržaŭnymi daŭhami i finansavymi instrumientami. Jak adznačajecca, «ciapierašniaja situacyja bolš nie patrabuje zachavańnia hetych zabaron».
U Minfinie ZŠA padkreślili, što hetyja źmieny kropkavyja i nie aznačajuć poŭnaha skasavańnia sankcyj suprać Biełarusi — abmiežavańni pa inšych kampanijach, siektarach i asobach praciahvajuć dziejničać.
Pra źniaćcie hetych sankcyj była dasiahnutaja damoŭlenaść padčas vizitu śpiecpradstaŭnika prezidenta ZŠA Džona Koŭła ŭ Minsk 19 sakavika. U ramkach ździełki Łukašenka pahadziŭsia vypuścić 250 palitviaźniaŭ, 235 ź jakich dazvolili zastacca na radzimie.
Čytajcie taksama:
Miełanija Tramp abvierhła słovy Łukašenki, što źviartałasia da jaho pa dapamohu
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
Naŭsieda skazaŭ, što Koŭł pytaŭsia ŭ jaho pra mahčymaść adnaŭleńnia palityčnaha dyjałohu ź Minskam
Koŭł: Kančatkovaha rašeńnia nakont zaprašeńnia Łukašenki ŭ ZŠA niama
Śpis palitviaźniaŭ, vyzvalenych 19 sakavika — i departavanych, i tych, chto zastajecca ŭ Biełarusi