Miełanija Tramp abvierhła słovy Łukašenki, što źviartałasia da jaho pa dapamohu
Pieršaja łedzi ZŠA Miełanija Tramp abvierhła zajavu Alaksandra Łukašenki pra toje, što jana nibyta źviartałasia da jaho pa dapamohu pa pytańniach pasiarednictva ŭ spravie ŭźjadnańnia vyviezienych rasijanami ŭkrainskich dziaciej ź siemjami.
Miełanija Tramp zajaviła, što śćviardžeńni Alaksandra Łukašenki nie adpaviadajuć rečaisnaści i nie majuć pad saboj padstaŭ. Pavodle jaje słoŭ, usie kantakty pa pytańniach uźjadnańnia vyviezienych rasijanami z akupavanych terytoryj ukrainskich dziaciej ź siemjami adbyvalisia tolki niepasredna pamiž joj, jaje aficyjnym pradstaŭnikom i ŭładami Rasii i Ukrainy. Nijakich pasiarednikaŭ, u tym liku Łukašenki, u hetych pieramovach nie było.
Pra nibyta kantakty ź Miełanijaj Tramp Łukašenka raskazaŭ na minułym tydni na pres-kanfierencyi, pryśviečanaj pieramovam z amierykanskaj delehacyjaj na čale sa śpiecpasłańnikam ZŠA Džonam Koŭłam.
«Voś zaraz Miełanija pieradała śpis dziaciej, jakija nibyta ŭ vyniku vajny va Ukrainie zhubilisia ŭ Rasii. I prosić mianie, kab pry sustrečy z Uładzimiram Pucinym ja pieradaŭ hety śpis, pahavaryŭ ź im, kab my znajšli ŭ Rasii hetych dziaciej, jakija biehli ad vajny, chutčej za ŭsio. Znajšli i addali Ukrainie, kali dzieci hatovyja i tam hatovyja ich uziać na ŭtrymańnie», — skazaŭ jon.
Jon paabiacaŭ abmierkavać z Pucinym hetaje pytańnie, ale padkreśliŭ, što nie stanie «ŭhavorvać».
«Kali Miełanija prosić (heta ŭ raźvićcio taho lista, jaki jana kaliści pieradała Pucinu nakont dziaciej), ja hetuju pazicyju starejšamu bratu daviadu, nie pytańnie. Ale zmahacca za heta nie budu, tamu što ja nie viedaju, jość hetyja dzieci ci nie, praŭda heta ci nie i chto pieradaŭ hetyja śpisy», — zajaviŭ palityk.
Z kastryčnika minułaha hoda ŭžo adbyłosia niekalki etapaŭ uźjadnańnia ŭkrainskich dziaciej ź ich siemjami, i rychtujecca jašče adzin — u pačatku krasavika. Pieramovy praciahvajucca i, jak śćviardžajecca, prachodziać u kanstruktyŭnaj atmaśfiery.
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
«Łukašenka lubić łajacca matam, ty łaješsia ŭ adkaz. A harełku ja vylivaŭ na padłohu». Koŭł raspavioŭ pra vizity ŭ Minsk
Koŭł: Kančatkovaha rašeńnia nakont zaprašeńnia Łukašenki ŭ ZŠA niama
Pierad sustrečaj z Łukašenkam Koŭła zabaŭlali raskazami pra zimovuju rybałku
Koŭł uźniaŭ pytańnie pra novyja aryšty. «To-bok my vyzvalajem 10 čałaviek, a jany aryštoŭvajuć jašče 10»
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Thank you, Mrs. Trump, for revealing of dictator's lies.