Naŭsieda skazaŭ, što Koŭł pytaŭsia ŭ jaho pra mahčymaść adnaŭleńnia palityčnaha dyjałohu ź Minskam
«Moj adkaz byŭ maksimalna jasny», — skazaŭ prezident Litvy.
Prezident Litvy paviedamiŭ, što śpiecpasłańnik ZŠA pa Biełarusi Džon Koŭł padčas sustrečy ŭźniaŭ pytańnie ab mahčymaści adnaŭleńnia palityčnaha dyjałohu ź Minskam.
«Padčas razmovy sa mnoj było ŭźniata pytańnie pra toje, jakija mahčymaści isnujuć dla palityčnaha dyjałohu ź Biełaruśsiu», — skazaŭ kiraŭnik dziaržavy žurnalistam u aŭtorak, paviedamlaje LRT.
Naŭsieda adznačyŭ, što papiaredziŭ amierykanskaha pradstaŭnika ab praźmiernym daviery da rytoryki režymu.
«Moj adkaz byŭ maksimalna jasny, bo my dobra viedajem hetaha susieda i kankretna hetaha dyktatara, — skazaŭ prezident Litvy. — Moj pasył spadaru Koŭłu zaklučaŭsia ŭ tym, kab vielmi aściarožna traktavać lubyja kroki biełaruskich uładaŭ, pakolki jany pa svajoj pryrodzie i z-za identyfikacyi z Rasijaj praktyčna nieadździelnyja ad rasijskaj dziaržavy».
Kiraŭnik dziaržavy papiaredziŭ, što Biełaruś moža pasprabavać raskałoć adzinstva krain NATA i damahčysia razychodžańniaŭ u palitycy ZŠA i Jeŭrapiejskaha sajuza adnosna Minska.
Prezident Litvy padkreśliŭ, što namahańni pa vyzvaleńni palitviaźniaŭ u Biełarusi vitajucca, adnak dla Minska heta tolki instrumient dasiahnieńnia palityčnych metaŭ.
«My nahadali amierykanskim kaleham, što sankcyjny režym ES adnosna Biełarusi zastajecca ŭ sile, jon padoŭžany na 12 miesiacaŭ, i, prynamsi ŭ hety pieryjad, niama nijakich pravavych ci inšych padstaŭ kazać pra admienu abo źmiakčeńnie sankcyj», — adznačyŭ Naŭsieda.
«Anałahičnaj pazicyi, pavodle maich źviestak, prytrymlivajucca i susiednija ź Litvoj dziaržavy, jakija razhladajucca jak alternatyŭnyja łahistyčnyja kanały dla biełaruskich uhnajeńniaŭ», — dadaŭ jon.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA51
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary