Pientahon rychtuje «rašučy ŭdar» pa Iranie, jaki ŭklučaje vysadku vojskaŭ 

Pientahon rychtujecca da mahčymaha mocnaha ŭdaru pa Iranie, kali dypłamatyčnyja namahańni pa vyrašeńni kanfliktu nie pryniasuć vyniku, asabliva kali nie budzie razbłakavany Armuzski praliŭ. Amierykanskija vajskoŭcy raspracoŭvajuć niekalki scenaryjaŭ «rašučaha ŭdaru», jakija ŭklučajuć vysadku vojskaŭ i masavyja bambavańni, raskazali vydańniu Axios dva amierykanskija čynoŭniki i jašče dźvie asoby, znajomyja ź situacyjaj.

Zdymak ilustracyjny. Fota: Majid Saeedi/Getty Images

Pavodle śviedčańnia krynic, raspracoŭvajucca čatyry asnoŭnyja varyjanty «rašučych dziejańniaŭ»:

• vysadka na vostraŭ Chark, hałoŭny centr naftapraduktavaha ekspartu Irana, abo jaho błakada;
• vysadka na vostraŭ Łarak, važny dla kantrolu nad Armuzskim pralivam;
• zachop stratehičnaha vostrava Abu-Musa i dvuch mienšych astravoŭ na zachodnim uvachodzie ŭ praliŭ;
• błakavańnie abo zachop sudnaŭ ź iranskaj nafty.

Akramia taho, razhladajucca naziemnyja apieracyi ŭ hłybini terytoryi Irana dla zachopu vysokaŭzbahačanaha ŭranu ci masavyja avijaŭdary pa jadziernych abjektach, kab adrezać Iran ad hetych resursaŭ.

Prezident ZŠA Donald Tramp pakul nie addaŭ zahad na ŭviadzieńnie vojskaŭ, častkova tamu, što choča skončyć kanflikt chutka i baicca strat siarod amierykanskich sałdat.

Iran taksama rychtujecca da mahčymaj vysadki amierykanskich vojskaŭ na Chark: na vostravie ŭźviedzienaja šmatuzroŭnievaja abarona, raźmieščanyja dadatkovyja siły, pieranosnyja ZRK, supraćpiachotnyja i supraćtankavyja miny ŭzdoŭž bieraha.

Kamientary da artykuła