Kolki bojeprypasaŭ vypuścili ZŠA i ich sajuźniki ŭ Iranie — Ukraina tolki zajzdrościć
Danyja, pryviedzienyja RUSI (Karaleŭskim abjadnanym instytutam abaronnych daśledavańniaŭ), nahladna demanstrujuć razryŭ pamiž tym, što nazyvajuć «vajnoj novaha typu» va Ukrainie, i apieracyjaj z prymianieńniem poŭnaj mocy zachodnich arsienałaŭ.
RUSI padličyli, kolki bojeprypasaŭ pryblizna vydatkavali ZŠA, Izrail i sajuźniki ŭ Iranie za 25 dzion apieracyi (danyja na 24 sakavika), zaŭvažyŭ kanał «Byť Ili».
Vydatkavana rakiet dla paražeńnia taktyčnych, apieratyŭnych i stratehičnych tyłoŭ (tolki amierykanskija):
▪️ 912 JASSM;
▪️ 535 «Tamahaŭkaŭ»;
▪️ 320 ATACMS + PrSM.
Razam: 1767
Heta biez uliku avijabombaŭ i śpiecyjalizavanych rakiet typu anty-RŁS AGM-88 HARM.
«Hladžu ja ŭ hety čas na toje, jak Ukraina vyvudžvaje pa 5 niaščasnych Storm Shadow na miesiac. I jakija rečy Ukraina tvoryć, majučy hetyja 5 niaščasnych Storm Shadow (Bransk nie daść zmanić)… I jakija rečy Ukraina b vytvarała, majučy takuju kolkaść na rukach», — — piša aŭtar kanała.
Kałonka sprava — % raschodavańnia taho ci inšaha bojeprypasu. Čyrvonym — toje, što vydatkavana bolš čym na 20%.
Vydatkavana srodkaŭ SPA (tolki pryznačanyja ŭ pieršuju čarhu dla źbićcia balistyki):
▪️ 1285 PAC-3 dla Patriot;
▪️ 563 Tamir dla «Kupała»;
▪️ 431 SM-2/3/6 dla AEGIS;
▪️ 402 PAC-2 dla Patriot;
▪️ 198 THAAD (ZŠA);
▪️ 135 «Prašča Davida»;
▪️ 122 Arrow-2/3 (Izrail);
▪️ 120 THAAD (sajuźniki);
▪️ 117 PAC-2/3 (Saŭdaŭskaja Aravija);
▪️ 53 Aster (Katar);
▪️ 22 THAAD (Izrail).
Razam: 3448
Iran zapuściŭ 1300 balistyčnych rakiet i 3555 dronaŭ.
Pa rehłamiencie zvyčajna raschod pry źbićci balistyki — 2 supraćrakiety na 1 rakietu. To-bok pry narmalnym raschodzie jany pavinny byli patracić 2600 supraćrakiet.
Pieraraschod u 800+ supraćrakiet.
Dla Ukrainy ž hetaja spravazdača — horkaje paćviardžeńnie taho, nakolki krytyčnaja adsutnaść masavych pastavak. Tyja vyniki, jakija USU pakazvajuć z adzinkavymi Storm Shadow, dakazvajuć: najaŭnaść chacia b 10% ad abjomu rakiet u iranskaj apieracyi mahła b fundamientalna źmianić situacyju na froncie.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary