Prezident ZŠA Donald Tramp 24 sakavika zajaviŭ, što Iran prapanavaŭ jamu kaštoŭny «padarunak» jak znak prymireńnia. Ciapier jon na pasiadžeńni ŭrada skazaŭ, što Tehieran dazvoliŭ bieśpieraškodna prapuścić praz Armuzski praliŭ 10 tankieraŭ z naftaj (pieršapačatkova prajšli vosiem sudnaŭ pad pakistanskim ściaham, a paźniej da ich dadalisia jašče dva).
Pa słovach Trampa, iranski bok nie tolki dazvoliŭ prachod karabloŭ, ale i paprasiŭ prabačeńnia za svaje raniejšyja rezkija vykazvańni. Jon padkreśliŭ, što hety krok byŭ vielmi važnym dla pačatku dyjałohu pamiž krainami, i vykazaŭ upeŭnienaść, što ZŠA zaraz viaduć spravy z «patrebnymi ludźmi». Raniej jon zhadvaŭ, što hety «padarunak dobraj voli» kaštavaŭ vielizarnych hrošaj.
Niahledziačy na takija zajavy amierykanskaha lidara, aficyjny Iran pakul admaŭlaje sam fakt viadzieńnia pieramoŭ sa Złučanymi Štatami. Tramp navat pažartavaŭ pierad svajoj kamandaj, spadziejučysia, što publičnaje raskryćcio im detalaŭ nie sapsuje dalejšy pierahavorny praces.
Miž tym ahienctva Bloomberg paviedamlaje, što pakul nie znajšło paćviardžeńniaŭ zajavy Donalda Trampa ab prachodžańni vaśmi bujnych naftavych tankieraŭ praz Armuzski praliŭ. Pavodle danych adsočvańnia sudnaŭ, u rehijonie byli zaŭvažanyja tolki dva źviazanyja ź Iranam hazavozy, jakija pakidali Piersidski zaliŭ.
ZŠA i Izrail 4‑5 dzion nie buduć imknucca likvidavać dvuch vysokapastaŭlenych iranskich čynoŭnikaŭ dziela pieramovaŭ
ZŠA ŭžo zapłanavali naziemnuju apieracyju ŭ Iranie
Tramp: Iranskija pieramoŭščyki ŭ ZŠA bajacca, što ich zabjuć
Saudaŭskaja Aravija i AAE prosiać Trampa nie spyniacca ź Iranam
ZŠA nakiravali Iranu płan z 15 punktaŭ pa spynieńni vajny
«Vy navat nie ŭjaŭlajecie, nakolki mocna jany chočuć zaklučyć ździełku». Tramp raskazaŭ pra pieramovy ź Iranam
Kamientary