«Situacyja moža być horšaj, čym pandemija karanavirusa». Prezident Finlandyi papiaredziŭ pra ryzyku hłabalnaha kryzisu
Prezident Finlandyi Alaksandr Stub u intervju vydańniu Politico zajaviŭ, što suśvietnaja situacyja robicca ŭsio bolš niestabilnaj, a raźvićcio kanfliktu vakoł Irana moža pryvieści da ekanamičnaha kryzisu, supastaŭnaha abo navat bolš ciažkaha, čym padčas pandemii karanavirusa, piša Bild.
Alaksandr Stub. Fota: AP Photo/Thomas Padilla
«Kali kryzis na Blizkim Uschodzie zavostrycca, uźniknie pahroza łancuhovaj reakcyi: rost cen na enierhanośbity, padaražańnie praduktaŭ charčavańnia i pavieličeńnie nahruzki na suśvietny rynak», — adznačyŭ jon.
Pavodle słoŭ Stuba, havorka pakul nie idzie pra Treciuju suśvietnuju vajnu, adnak isnuje ryzyka dalejšaj eskałacyi, kali mižnarodnaja supolnaść nie zmoža spynić pašyreńnie kanfliktaŭ.
«My pavinny razumieć, što ciapierašniaja administracyja ZŠA dziejničaje prahmatyčna. Choć my hatovyja dapamahčy [u supraćstajańni ź Iranam], my nie chočam być uciahnutymi ŭ hetuju vajnu, tamu što heta nie naša vajna. Iranskaja vajna — heta nie maja vajna. Maja vajna — heta Ukraina. I ja starajusia dapamahčy Ukrainie, čym mahu», — skazaŭ prezident Finlandyi.
Pavodle acenki Stuba, pieramovy ab spynieńni vajny Rasii suprać Ukrainy zajšli ŭ tupik, i prykmiet hatoŭnaści Maskvy da miru niama.
Čytajcie taksama:
Tramp zajaviŭ, što adkłaŭ udary pa enierhietycy Irana na 10 dzion
Tramp: Kali dla Jeŭropy vajna ŭ Iranie — nie ich vajna, to i vajna va Ukrainie — nie naša
Pientahon rychtuje «rašučy ŭdar» pa Iranie, jaki ŭklučaje vysadku vojskaŭ
Pientahon moža pieranakiravać pastaŭki zbroi, pryznačanaj dla Ukrainy, u Iran