Pavodle jaho słoŭ, rašeńnie pryniata pa prośbie ŭrada Irana, adnak Tehieran admaŭlaje, što prasiŭ ab hetym.
Prezident ZŠA Donald Tramp zajaviŭ, što vyrašyŭ adkłaści ŭdary pa iranskich enierhietyčnych abjektach jašče na 10 dzion, kab pravieści pieramovy z Tehieranam. Pavodle jaho słoŭ, rašeńnie pryniata pa prośbie ŭrada Irana, adnak Tehieran admaŭlaje, što prasiŭ pra heta, piša Bi-bi-si.
«Pa prośbie iranskaha ŭrada […] ja prypyniaju pieryjad razbureńnia elektrastancyj na 10 dzion, da paniadziełka, 6 krasavika 2026 hoda, 20:00 pa ŭschodnieamierykanskim časie [try hadziny ranicy 7 krasavika pa Minsku — NN]. Pieramovy praciahvajucca, i, niahledziačy na pamyłkovyja zajavy fejkavych ŚMI i inšych krynic, jany prachodziać vielmi dobra», — napisaŭ jon u svajoj sacsietcy Truth Social.
U minułyja vychadnyja Tramp pahražaŭ «źniščyć» iranskija elektrastancyi, kali Tehieran nie adkryje Armuzski praliŭ na praciahu 48 hadzin. Iranskija ŭłady ŭ adkaz zajavili, što poŭnaściu pierakryjuć praliŭ dla sudnachodstva.
U paniadziełak Tramp skazaŭ, što ZŠA i Iran viaduć «praduktyŭnyja pieramovy» ab zakančeńni vajny, i zahadaŭ prypynić udary pa iranskaj enierhietycy na piać dzion.
U sieradu stała viadoma, što ZŠA pieradali Iranu śpis z 15 umoŭ, na jakich jany hatovyja pajści na spynieńnie kanfliktu, ale Tehieran ich adchiliŭ, uzamien prapanavaŭšy svoj płan ź piaci punktaŭ.
Dahetul niezrazumieła, z kim mienavita ŭ Iranie ZŠA viaduć dyjałoh. Napiaredadni Tramp kazaŭ, što iranskija aficyjnyja asoby admaŭlajuć toje, što pieramovy viaducca, bajučysia być zabitymi.
«Jany viaduć pieramovy i vielmi chočuć zaklučyć ździełku. Ale jany bajacca pra heta havaryć, tamu što ličać, što ich zabjuć ich ža suajčyńniki. Jany taksama bajacca, što ich zabjem my», — zajaviŭ jon žurnalistam.
«Padarunak» Irana
Nieŭzabavie paśla taho, jak Tramp paviedamiŭ, što ŭdary pa enierhietycy Irana adkładajucca, ceny na naftu na suśvietnych rynkach pačali padać. Na praciahu čaćviarha jany praciahvali raści — adlustroŭvajučy aściarohi, što praciah vajny i dalej budzie vyklikać niedachop nafty.
U čaćvier, padčas pasiadžeńnia amierykanskaha ŭrada, Tramp taksama raspavioŭ, jaki mienavita padarunak jamu zrabili ŭłady Irana. Da hetaha kiraŭnik Biełaha doma paviedamiŭ, što irancy padaryli jamu niešta kaštoŭnaje, ale nie ŭdakładniŭ, što mienavita.
Trampa spytali, jak iduć pieramovy ź Iranam, — i jon adkazaŭ, što Tehieran choča prademanstravać surjoznaść svaich namieraŭ. Dalej jon paviedamiŭ, što Tehieran dva ci try dni tamu abiacaŭ jamu prapuścić praz Armuzski praliŭ vosiem tankieraŭ z naftaj u jakaści «padarunka», i hetyja tankiery sapraŭdy prajšli.
«I ja skazaŭ: «Nu što ž, my napeŭna z pravilnymi ludźmi majem spravu». I nasamreč jany za sioje-toje paprasili prabačeńnia i skazali, što prapuściać jašče dva karabli. Tak što ŭ vyniku ŭ nas atrymałasia dziesiać karabloŭ», — skazaŭ Tramp.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
Cikava, što heta nacyja, miarkujučy pa ich vybrańniku, nie ŭ stanie kupić ci pradać, na inšaje jany nie zdolnyja.