Tramp: Kali dla Jeŭropy vajna ŭ Iranie — nie ich vajna, to i vajna va Ukrainie — nie naša
Prezident ZŠA Donald Tramp na pasiadžeńni amierykanskaha ŭrada raskrytykavaŭ pazicyju fiederalnaha kanclera Hiermanii Frydrycha Mierca adnosna kanfliktu ź Iranam i nazvaŭ jaho zajavu niedarečnaj.
Frydrych Mierc raniej skazaŭ, što vajna ŭ Iranie — heta nie vajna Jeŭropy. Tramp adkazaŭ, što tady i vajna va Ukrainie taksama nie źjaŭlajecca vajnoj ZŠA, choć jany i akazvajuć dapamohu.
«Ja pačuŭ, jak kiraŭnik Hiermanii skazaŭ: «Heta nie naša vajna ŭ dačynieńni da Irana», ja adkazaŭ: «Nu, Ukraina — heta taksama nie naša vajna». My akazali dapamohu, ale Ukraina — heta nie naša vajna. Ja liču, što heta była vielmi niedarečnaja zajava, ale jon jaje zrabiŭ, i jaje ŭžo nie zabrać nazad», — skazaŭ Tramp.
Donald Tramp taksama zajaviŭ, što ZŠA faktyčna abaraniajuć Jeŭropu ad Rasii, choć heta, pa jaho słovach, nie zusim ich sprava. Jon padkreśliŭ, što Amieryka ŭdzielničaje ŭ abaronie NATA, ale jeŭrapiejskija krainy, na jaho dumku, nie robiać taho ž u adkaz.
«Padumajcie sami: my tam, kab abaraniać Jeŭropu ad Rasii. Tearetyčna heta nas nie tyčycca — u nas jość akijan, vialiki, šyroki, cudoŭny akijan, ale my tam, kab abaraniać NATA, abaraniać ich ad Rasii, a jany nie tam, kab abaraniać nas. Heta śmiešna, heta nie maje sensu», — skazaŭ Tramp.
Akramia taho, jon vykazaŭ niezadavolenaść tym, što krainy NATA, jak jon ličyć, amal nie padtrymlivajuć ZŠA ŭ situacyi ź Iranam. Tramp adznačyŭ, što Amierycy ničoha nie treba ad aljansu, ale pra takuju pazicyju partnioraŭ nie varta zabyvać.
Čamu Mierc tak strymana reahuje na Trampaŭ zamach na Hrenłandyju? Bo Hiermanija najbolš zaležnaja ad ZŠA
Tramp zajaviŭ, što ŭ Afhanistanie sajuźniki pa NATA adsiedžvalisia ŭ tyle. Vieterany ŭ Jeŭropie strašenna aburanyja
«Jeŭropie treba skazać Donaldu «chopić!». U jeŭrapiejskim vydańni źjaviŭsia prahramny artykuł
Mierc rezka raskrytykavaŭ rašeńnie ZŠA źmiakčyć sankcyi suprać rasijskaj nafty
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
A voś byŭ by prezydentam Bajden, dyk vajny ŭ Piersickaj zatocy ŭvohule nie było b ! Pa-mojmu treba ŭvieś čas źvinieć pra heta Trampu ŭ vušy, jak jon lubić...
da i davali užie odin raz.. odni pustyje słova.