Ź Biełarusi ŭžo vyjechali kala 700 litoŭskich hruzavikoŭ, jašče 300 apłacili stajanku
Bolš za tysiaču hruzavikoŭ ź litoŭskaj rehistracyjaj, jakija znachodzilisia na śpiecyjalnych stajankach u Biełarusi, užo apłacili pasłuhi zachoŭvańnia. Adnak faktyčna praź biełaruska-litoŭskuju i biełaruska-polskuju miažu zmahli vyjechać kala 700 fur, a jašče prykładna 300 usio jašče čakajuć mahčymaści ŭjechać u Litvu, paviedamlaje Dziaržaŭny pamiežny kamitet.
Zdymak ilustracyjny. Fota: Lookby.media
Biełaruskija pamiežniki ŭskładajuć vinu za toje, što praces adbyvajecca nie nadta chutka, na litoŭski bok: maŭlaŭ, pavolna pracujuć, choć mahli b nibyta chutčej.
Raniej paviedamlałasia, što bolš za 1900 hruzavikoŭ, zatrymanych u listapadzie 2025 hoda, atrymali mahčymaść vyjechać ź Biełarusi paśla adpaviednaha rašeńnia Łukašenki, pryniataha paśla sustrečy sa śpiecyjalnym pradstaŭnikom prezidenta ZŠA Džonam Koŭłam.