«Treba sieści i razmaŭlać». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ
U intervju LRT pasłańnik Donalda Trampa pa Biełarusi skazaŭ, što biełaruskija kalijnyja ŭhnajeńni mahli b być vielmi karysnymi dla ZŠA i pavinny transpartavacca praź Litvu.
Koŭł taksama vykazaŭ nadzieju, što Litva pahodzicca pravieści dvuchbakovuju sustreču ź Biełaruśsiu na ŭzroŭni namieśnikaŭ ministraŭ. Pavodle jaho słoŭ, Łukašenka vypuściŭ litoŭskija fury ź Biełarusi na jaho prośbu, a prablemu kantrabandnych pavietranych šaroŭ nazvaŭ kiravanaj: «čas ad času jašče laciać adzin-dva šary, ale ŭžo nie tak, jak raniej».
Koŭł adznačyŭ, što hałoŭnaja matyvacyja ŭvahi da Biełarusi — humanitarnaja, u pieršuju čarhu vyzvaleńnie źniavolenych. Adnak u razmovie jon zakranuŭ i ekanamičnyja intaresy ZŠA:
«Kalijnyja ŭhnajeńni ź Biełarusi pavinny iści praź Litvu, i tak jany zmohuć vyjści na jeŭrapiejski rynak — až da Złučanych Štataŭ».
Jon taksama zajaviŭ, što abmiarkoŭvaŭ hetaje pytańnie ź ministram sielskaj haspadarki ZŠA Bruk Rolinz, jakaja adznačyła, što biełaruskija ŭhnajeńni byli b vielmi karysnymi dla krainy.
«Prezident Tramp i ja nie vierym u papiarednija ŭmovy», — skazaŭ Koŭł, dadaŭšy, što čakaje takoha ž padychodu i ad Litvy.
«Ja spadziajusia, što Litva pahodzicca na dvuchbakovy dyjałoh ź Biełaruśsiu na ŭzroŭni namieśnikaŭ ministraŭ zamiežnych spraŭ. Treba spynić toje, što zaminaje žyćciu pa abodva baki», — adznačyŭ jon.
Koŭł skazaŭ pra nieabchodnaść dyjałohu: «Treba sieści i razmaŭlać. Kali nie atrymlivajecca — ustać i pajści. Ale spačatku treba pasprabavać».
«Ja ŭžo hod razmaŭlaju ź im biez papiarednich umoŭ — i paśpiachova. Hladzicie, śviet poŭny dobrych i drennych ludziej. Ale čym bolš jany razmaŭlajuć, tym lepš. Prezident Tramp jeździŭ u Paŭnočnuju Kareju. Jon navat dvojčy razmaŭlaŭ z meram Ńju-Jorka, jaki źjaŭlajecca poŭnaj supraćlehłaściu Trampa. Ale jany sustrelisia. I tak niešta atrymlivajecca zrabić — praz kamunikacyju. Ničoha nie zrobiš, kali vystaŭlać papiarednija ŭmovy, jakija pavinny adbycca. Tady jany, moža, buduć razmaŭlać, a moža i nie. Tak ničoha nie dasiahnieš», — skazaŭ Koŭł.
Jon taksama dadaŭ, što vizit Łukašenki ŭ ZŠA abmiarkoŭvajecca.
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
Miełanija Tramp abvierhła słovy Łukašenki, što źviartałasia da jaho pa dapamohu
«Łukašenka lubić łajacca matam, ty łaješsia ŭ adkaz. A harełku ja vylivaŭ na padłohu». Koŭł raspavioŭ pra vizity ŭ Minsk
Koŭł: Kančatkovaha rašeńnia nakont zaprašeńnia Łukašenki ŭ ZŠA niama
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary