Minsk vydaje za «źnižki» zvyčajnyja taryfy «Biełmytservisa». Kolki zapłaciać za prastoj fur litoŭskija pieravozčyki?
Paśla čarhovaha vizitu śpiecpasłańnika ZŠA pa Biełarusi Džona Koŭła ŭ Minsk Alaksandr Łukašenka paabiacaŭ z paniadziełka pačać vypuskać litoŭskija fury. Pieršapačatkova ŭłady płanavali brać za sutki zachoŭvańnia pa 120 jeŭra, ale paśla ahučyli, što ceny za parkoŭku buduć u razy mienšyja. Pieravozčyki padzialilisia infarmacyjaj, kolki im treba zapłacić.
Litoŭskija hruzaviki, pryčepy i paŭpryčepy nie mahli vyjechać ź Biełarusi ź listapada 2025 hoda — biełaruskija ŭłady pierastali ich vypuskać u adkaz na zakryćcio miažy litoŭskim bokam. Dla ich zachoŭvańnia byŭ uviedzieny admysłovy drakonaŭski taryf — 120 jeŭra za sutki, što było našmat bolš, čym praduhledžvałasia raniej. Pa apošnich danych, u Biełarusi zastajecca kala 1900 adzinak transpartu ź litoŭskaj rehistracyjaj.
U paniadziełak mytniki paviedamili, što apłata za zachoŭvańnie fur «u razy nižejšaja za vyznačanuju raniej». Dla pryčepaŭ i paŭpryčepaŭ — u 7 razoŭ, a dla ciahačoŭ — u 2—3 razy, ale dakładnyja ličby nie nazyvalisia.
Pieravozčyki, jakija ŭžo paśpieli ŭdakładnić infarmacyju, kažuć, što tak zvanymi źnižkami ŭ 3—7 razoŭ na samoj spravie nazyvajuć zvyčajnyja taryfy ad «Biełmytservisa».
Heta kala 164 rubloŭ za ciahač z paŭpryčepam. Kali staić tolki ciahač, to heta 110 rubloŭ, a kali tolki pryčep — 54 rubli za sutki zachoŭvańnia.
Takim čynam, atrymlivajecca, što za adnu furu treba budzie addać bolš za 20 tysiač rubloŭ (kala 5800 jeŭra), kali vieści adlik ad 20 listapada, kali fury ź litoŭskimi numarami pierastali vypuskać ź Biełarusi.
Kali b zastaŭsia admysłovy taryf na 120 jeŭra, to za anałahičny čatyrochmiesiačny prastoj litoŭskim pieravozčykam daviałosia b addać kala 15 tysiač jeŭra.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku16
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary