Słuckija daišniki ŭpieršyniu vyjechali na patrulavańnie na matacykłach

U Słucku ŭpieršyniu pačali vykarystoŭvać novy farmat patrulavańnia daroh — inśpiektary DAI vyjechali na słužbu na matacykłach. Raniej takoha ŭ hetym rajonnym centry nie było, paviedamlaje DAI Minskaj vobłaści.

Fota: t.me/gai_minobl

Ciapier darožnaja słužba budzie pracavać u źmiešanym režymie: častka supracoŭnikaŭ, jak i raniej, budzie patrulavać vulicy na słužbovych aŭtamabilach, a inšyja — na matacykłach. Taki farmat uviali ŭ suviazi z pačatkam motasiezonu, kali na darohach značna pavialičvajecca kolkaść matacyklistaŭ.

Fota: t.me/gai_minobl

Asnoŭnaja pryčyna źjaŭleńnia motapatruloŭ u tym, što zvyčajnyja patrulnyja mašyny nie zaŭsiody mohuć efiektyŭna zdahnać matacyklistaŭ, asabliva kali tyja ruchajucca chutka abo manieŭrujuć u patoku transpartu. Matacykły ž dajuć inśpiektaram bolšuju mabilnaść i dazvalajuć chutčej reahavać na parušeńni.

Kamientary da artykuła