Tramp nahadaŭ Iranu pra svoj raniejšy ultymatum i daŭ jamu 48 hadzin
Prezident ZŠA Donald Tramp pradjaviŭ Iranu novy ŭltymatum — dakładniej, nahadaŭ, što zakančvajecca termin papiaredniaha. Jon zajaviŭ, što ŭ Irana zastałosia dvoje sutak na toje, kab pierastać błakavać Armuzski praliŭ.
Donald Tramp. Fota: Alex Brandon-Pool/Getty Images
«Pamiatajecie, jak ja daŭ Iranu dziesiać dzion na toje, kab zaklučyć ździełku abo adkryć Armuzski praliŭ? Čas zakančvajecca — 48 hadzin da taho, jak na ich abryniecca piekła», — napisaŭ Tramp u svajoj sacsietcy Truth Social.
Pieršy raz Tramp davaŭ Iranu 48 hadzin na adkryćcio Armuzskaha praliva 21 sakavika. Tady jon zajaviŭ, što paśla zakančeńnia hetaha terminu ZŠA źniščać najbujniejšyja elektrastancyi Irana.
Praz dva dni Tramp zajaviŭ, što ZŠA viaduć ź niejkimi pradstaŭnikami Irana «vielmi praduktyŭnyja razmovy», i tamu jon adkładaje ŭdary pa elektrastancyjach.
Zatym jon pieranios termin jašče raz, i ciapier jon pavinien skončycca 6 krasavika.
Čytajcie taksama:
Tramp choča pavialičyć vajskovy biudžet ZŠA adrazu na 40%
Tramp zvolniŭ hienieralnaha prakurora. Heta moža być źviazana sa spravaj Epštejna
Makron Trampu: Surjoznyja ludzi nie kažuć siońnia adno, a zaŭtra druhoje
Tramp u zvarocie da nacyi paabiacaŭ vielmi chutka skončyć vajnu ź Iranam