Administracyja Donalda Trampa prapanavała Kanhresu ZŠA rekordny vajskovy biudžet — kala 1,5 tryljona dalaraŭ na 2027 finansavy hod, paviedamlaje Bloomberg. Heta prykładna na 40% bolš, čym ciapierašnija vydatki na abaronu.
Pavieličeńnie tłumačycca vajnoj ź Iranam i nieabchodnaściu papoŭnić zapasy ŭzbrajeńnia.
Płanujecca, što asnoŭnaja častka srodkaŭ (bolš za 1,1 tryljona) budzie vydadziena praz standartnuju biudžetnuju praceduru, a jašče kala 350 miljardaŭ — praź śpiecyjalny miechanizm uzhadnieńnia biudžetu.
Kab znajści hrošy, prapanujecca skaracić vydatki na ŭnutranyja prahramy prykładna na 73 miljardy dalaraŭ. U pryvatnaści, mohuć być źmienšanyja finansavańnie achovy zdaroŭja, adukacyi, žyllovych i ekałahičnych prahram. Častku hetych abaviazkaŭ prapanujuć pierakłaści na ŭłady štataŭ.
U toj ža čas pavialičacca vydatki na siłavyja struktury: dadatkovyja srodki płanujuć nakiravać na achovu miežaŭ, departacyi i pracu Ministerstva justycyi.
U Kanhresie takuju inicyjatyvu sustreli naściarožana. Deputaty sumniavajucca jak u samich vydatkach, tak i ŭ tym, što administracyja faktyčna abychodzić ich kantrol nad vajennymi dziejańniami. Jość taksama aściarohi, što taki biudžet značna pavialičyć dziaržaŭny doŭh ZŠA ŭ budučyni.
ZŠA zdoleli ŭratavać svajho piłota sa źbitaha samalota ŭ Iranie. Ale byŭ jašče i druhi
Kiraŭnik Pientahona Chiehset zvolniŭ načalnika štaba Suchaputnych vojskaŭ ZŠA
Tramp zvolniŭ hienieralnaha prakurora. Heta moža być źviazana sa spravaj Epštejna
«Jon da hetaha času prychodzić u siabie paśla ŭdaru ŭ skivicu». Tramp vyśmiajaŭ Makrona i jaho žonku na fonie novaj ataki na NATA
Kamientary
a kazali da Mienska, Paryža i Vašynhtona...))) Tak ci inakš, dzied vova nastupny jak i Nikałaška kryvavy impieryi Romanovych ŭ 20:m stahodździ, nie ŭ 1905 tak ŭ 1917 źniasuć jaho hałodnyja i niezadavolenyja tuvincy , baškiry, tatary, kałmyki, SMALANIE i h.d. Tramp ciśni macniej!!