Tramp: ZŠA buduć ciesna supracoŭničać ź Iranam, viaducca pieramovy ab źmiakčeńni taryfaŭ i sankcyj
«Vašynhton i Tehieran vykapajuć i vydalać uvieś jadzierny «pył», jaki znachodzicca pad ziamloj», — napisaŭ prezident ZŠA.
Fota: Win McNamee/Getty Images
ZŠA buduć ciesna supracoŭničać ź Iranam, viaducca pieramovy ab źmiakčeńni taryfaŭ i sankcyj. Pra heta paviedamiŭ Donald Tramp u sacsietcy Truth Social.
Pavodle jaho słoŭ, uzbahačeńnia ŭranu nie budzie, i Złučanyja Štaty ŭ supracoŭnictvie ź Iranam «vykapajuć i vydalać uvieś jadzierny «pył», jaki znachodzicca pad ziamloj».
«Złučanyja Štaty buduć ščylna supracoŭničać ź Iranam, jaki, jak my vyznačyli, pieražyŭ vielmi praduktyŭnuju źmienu režymu! Uzbahačeńnia ŭranu nie budzie, i Złučanyja Štaty, supracoŭničajučy ź Iranam, vykapajuć i vydalać uvieś jadzierny «pył», jaki znachodzicca hłyboka pad ziamloj (bambardziroŭščyki B-2). Zaraz i raniej za hetym rajonam viałosia vielmi pilnaje spadarožnikavaje nazirańnie (Kaśmičnyja siły!). Z momantu napadu ničoha nie było źmieniena. My viadziom i budziem vieści pieramovy ź Iranam ab źmiakčeńni taryfaŭ i sankcyj. Mnohija z 15 punktaŭ užo ŭzhodnienyja», — napisaŭ prezident ZŠA.
Čytajcie taksama:
Jak Pakistan arhanizavaŭ krochkaje spynieńnie ahniu pamiž ZŠA i Iranam
ŚMI raskryli detali iranskaha płana z 10 punktaŭ pa pieramirji
ZŠA, Iran i Izrail damovilisia ab prypynieńni ahniu na dva tydni. Pieramovy projduć u Isłamabadzie
Iran i Aman buduć spahaniać płatu za prachod praz Armuzski praliŭ