Dźmitryj Miadźviedzieŭ staŭ hałoŭnym redaktaram rasijskich školnych padručnikaŭ

Namieśnik staršyni Rady biaśpieki Rasii Dźmitryj Miadźviedzieŭ staŭ hałoŭnym redaktaram novych školnych padručnikaŭ pa hramadaznaŭstvie dla 9—11 kłasaŭ u Rasii. Pra heta paviedamiła namieśnica ministra aśviety Rasii Volha Kałudarava.

Dźmitryj Miadźviedzieŭ. Fota: AP

Kałudarava adznačyła, što ministerstva źviarnułasia da Miadźviedzieva z prośbaj uznačalić pracu nad sieryjaj padručnikaŭ, i jon pahadziŭsia. Pavodle jaje słoŭ, jon udzielničaŭ u redahavańni tekstaŭ, unosiŭ papraŭki i prapanovy, jakija adbilisia jak u finalnaj viersii padručnikaŭ, tak i ŭ novych adukacyjnych standartach i prahramach pa hramadaznaŭstvie.

U pres-słužbie Miadźviedzieva śćviardžajuć, što jon pracavaŭ nad padručnikami biaspłatna.

U Ministerstvie aśviety adznačajuć, što kurs hramadaznaŭstva abnaŭlajecca, bo hramadstva i žyćcio źmianiajucca, tamu pradmiet pavinien być bolš praktyčnym i źviazanym z historyjaj.

Taksama paviedamlajecca, što z 1 vieraśnia ŭ Rasii hramadaznaŭstva bolš nie buduć vykładać u 8 kłasie — jano zastaniecca tolki ŭ 9—11 kłasach.

Kamientary da artykuła