Miadźviedzieŭ pra Trampa: Havarki miratvorac ciapier paŭnavartasna staŭ na ściežku vajny z Rasijaj
Namieśnik staršyni Rady biaśpieki RF Dźmitryj Miadźviedzieŭ rezka prakamientavaŭ rašeńnie prezidenta ZŠA Donalda Trampa admianić zapłanavany samit z Uładzimiram Pucinym u Budapiešcie, a taksama ŭviadzieńnie Vašynhtonam novych sankcyj suprać Rasii.
«Admiena Trampam samitu ŭ Budapiešcie.
Novyja sankcyi suprać našaj krainy z boku ZŠA.
Što jašče? Budzie novaja zbroja, akramia słavutych «Tamahaŭkaŭ»?
Kali ŭ kahości sa šmatlikich kamientataraŭ jašče zachoŭvalisia iluzii — atrymajcie. ZŠA — naš praciŭnik, a ich havarki «miratvorac» ciapier paŭnavartasna staŭ na ściežku vajny z Rasijaj. Tak, jon pakul nie zaŭsiody aktyŭna vajuje na baku banderaŭskaha Kijeva, ale heta ciapier jahony kanflikt, a nie marazmatyka Bajdena! Buduć, viadoma, kazać, što jon nie moh inakš, na jaho cisnuli ŭ Kanhresie i inš. Heta nie admianiaje hałoŭnaha: pryniatyja rašeńni — heta akt vajny suprać Rasii. I ciapier Tramp całkam salidaryzavaŭsia z šalonaj Jeŭropaj», — napisaŭ Miadźviedzieŭ.
Namieśnik staršyni Rady biaśpieki RF bačyć u novym pavarocie pavodzin Trampa plus: «možna bić samaj roznaj zbrojaj pa ŭsich banderaŭskich nyčkach biez ahladki na niepatrebnyja pieramovy».
«I damahacca pieramohi mienavita tam, dzie jana tolki i mahčymaja. Na ziamli, a nie za kancylarskim stałom. Źniščajučy vorahaŭ, a nie zaklučajučy biessensoŭnyja «ździełki», — zaklikaje Miadźviedzieŭ.
-
«Vialikabrytanija pavinna vykupić Amieryku nazad». Brytanski žurnalist patroliŭ Trampa
-
Tramp patrabuje pa miljardzie dołaraŭ ad krain za pastajannaje členstva ŭ Radzie miru, jakuju jon stvaraje. Staršynioj budzie jon sam
-
«Make America Go Away». Dziasiatki tysiač ludziej u Hrenłandyi i Danii vyjšli na akcyi suprać ZŠA
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary