«Mindalničać, jak u 1944-m, ź imi nichto bolš nie budzie». Miadźviedzieŭ apublikavaŭ artykuł z pahrozami Finlandyi
Były prezident Rasii Dźmitryj Miadźviedzieŭ, jaki ciapier zajmaje pasadu namieśnika kiraŭnika Rady biaśpieki RF, apublikavaŭ na sajcie TASS artykuł pad nazvaj «Novaja finskaja daktryna: hłupstva, chłuśnia, niaŭdziačnaść». U im jon vystupiŭ z adkrytymi pahrozami na adras Finlandyi.
Miadźviedzieŭ zhadaŭ padziei Druhoj suśvietnaj vajny, abvinavaciŭšy Finlandyju ŭ supracoŭnictvie z nacysckaj Hiermanijaj suprać SSSR. Jon śćviardžaje, što sučasnyja finskija ŭłady nibyta majuć «revanšysckija płany». Ustupleńnie krainy ŭ NATA, naroščvańnie jaje armii i padtrymku Ukrainy Miadźviedzieŭ pradstaŭlaje jak parušeńnie paślavajennych damoŭ i navat namiakaje na mahčymaść damahacca ad Finlandyi dadatkovych reparacyj.
Pavodle jaho, Chielsinki pravodzić «kanfrantacyjny kurs» i rychtuje «płacdarm dla vajny suprać Rasii». U artykule prahučała adkrytaja pahroza:
«Supraćstajańnie z nami moža pryvieści da krachu finskaj dziaržaŭnaści ŭžo nazaŭždy. Mindalničać, jak u 1944 hodzie, ź imi ŭžo nichto nie budzie».
Što stała niepasrednaj pryčynaj takoj publikacyi, dakładna nieviadoma. Viadoma, što Finlandyja aktyŭna padtrymlivaje Ukrainu, a jaje prezident Alaksandr Stub braŭ udzieł u pieramovach ES i ZŠA nakont dapamohi Ukrainie i mirnaha ŭrehulavańnia. Jon taksama pravodziŭ paraleli pamiž situacyjaj Ukrainy i vopytam Finlandyi padčas vajny z SSSR, padkreślivajučy, što, straciŭšy častku terytoryj, kraina zdoleła zachavać niezaležnaść.
U 1939 hodzie, pierad pačatkam saviecka-finskaj vajny, Maskva taksama abvinavačvała Finlandyju ŭ ahresiŭnych namierach i vyśmiejvała jaje kiraŭnictva ŭ prapahandzie. Siońnia mnohija palityki ŭ Finlandyi i inšych krainach NATA, što miažujuć z Rasijaj, adkryta havorać pra niebiaśpieku mahčymaj ahresii z boku Maskvy.
«Vy b addali Fłarydu, Džordžyju, Virdžyniju?» Prezident Finlandyi patłumačyŭ amierykancam, kolki terytoryi Pucin patrabuje ad Ukrainy
Prezident Finlandyi: Rasijskamu impieryjalizmu nie vidać kanca. Treba być hatovymi da ŭsiaho i nie panikavać
Miadźviedzieŭ pryhraziŭ Łondanu zabrańniem kaštoŭnaściaŭ Brytanskaj karony
U adkaz na bałbatniu Miadźviedzieva Tramp zahadaŭ pieramiaścić jadziernyja padvodnyja łodki
Miadźviedzieŭ maryć pieratvaryć u bufiernuju zonu ŭsiu Ukrainu
Kamientary
Na samoj spravie , razumieju dimona , jon ujučyŭ šyzika kab svaje nie zabili, ničoha ŭ maskovii z 16s nie źmianiłasia....