Ukraina pieradała Rasii prapanovu praciahnuć pieramirje paśla Vialikadnia
Prezident Ukrainy Uładzimir Zialenski ŭ viačernim zvarocie zajaviŭ, što Ukraina prapanavała Rasii praciahnuć spynieńnie ahniu paśla Vialikadnia. U toj ža čas jon padkreśliŭ, što USU mohuć adkazvać u vypadku parušeńnia «cišyni» rasijanami, piša «Ukrainskaja praŭda».
Uładzimir Zialenski. Fota: Sean Gallup / Getty Images
«Padrabiazna havaryli ŭčora i siońnia z hałoŭnakamandujučym, sakratarom SNBA, taksama sa Słužbaj biaśpieki Ukrainy pra režymy cišyni, zaraz na Vialikdzień. Ukraina prapanoŭvała heta ŭžo nieadnarazova. I dobra, kab sapraŭdy atrymałasia. Vialikdzień pavinien być časam biaśpieki, časam miru. Było b pravilna, kab spynieńnie ahniu praciahvałasia i dalej. My dali hetu našu prapanovu Rasii», — skazaŭ Zialenski.
Jon adznačyŭ, što kali Rasija znoŭ abiare vajnu zamiest miru, «heta jašče raz prademanstruje ŭsiamu śvietu i Złučanym Štatam, chto i čaho nasamreč choča».
Taksama Uładzimir Zialenski padkreśliŭ, što «Ukraina budzie dziejničać lustrana».
«Kali rasijskich udaraŭ nie budzie, to nie budzie i našych adkazaŭ. My pamiatajem, jak było ŭ padobnych situacyjach raniej, i dakładna viedajem, z kim majem spravu. Kali nie budzie rasijskich rakiet, dronaŭ, my budziem taksama prytrymlivacca cišyni ŭ niebie. Dla frontu zadačy anałahičnyja, ale prava na adkaz u kožnaha ŭkrainskaha padraździaleńnia jość», — skazaŭ prezident.
Jon taksama jašče raz adznačyŭ, što «adnosna mahčymaści padoŭžyć spynieńnie ahniu sihnał rasijanam daviedzieny».
Vielikodnaje pieramirje raniej było abjaŭlena prezidentam Rasii Uładzimiram Pucinym na pieryjad ad 16:00 11 krasavika i da kanca dnia 12 krasavika.
Čytajcie taksama:
«My hatovyja da lustranych krokaŭ». Zialenski adreahavaŭ na pucinskuju prapanovu ab pieramirji
Zialenski skazaŭ, što Ukraina hatova da vielikodnaha pieramirja