Pucin abjaviŭ vielikodnaje pieramirje na sutki z chvościkam. Raniej da taho niekalki razoŭ zaklikaŭ Zialenski
Jano pačniecca ŭ 16:00 11 krasavika i skončycca ŭviečary 12 krasavika.
Pres-słužba Kramla raspaŭsiudziła paviedamleńnie, zhodna ź jakim Pucin pryniaŭ rašeńnie ab vielikodnym pieramirji z 16:00 11 krasavika da kanca dnia 12 krasavika 2026 hoda.
Ministru abarony Andreju Biełavusavu i načalniku Hienieralnaha štaba Valeryju Hierasimavu dadzienyja ŭkazańni spynić u hety čas bajavyja dziejańni na ŭsich kirunkach, ale być hatovymi da «spynieńnia mahčymych pravakacyj».
Pucin spadziajecca, što ŭkrainski bok taksama ŭ hety čas vajavać nie budzie.
Pieršym, raniej z zaklikam da vielikodnaha pieramirja vystupiŭ Uładzimir Zialenski.
Ukraina taksama spynić ahoń na Vialikdzień. Ab hetym paviedamiŭ prezident Ukrainy ŭ adkaz na rašeńnie Pucina.
«Ukraina nie raz zajaŭlała, što my hatovyja da mier u adkaz. U hetym hodzie my prapanoŭvali spynieńnie ahniu na čas vielikodnych śviat i budziem dziejničać adpaviedna», — zajaviŭ Zialenski.
«Ludziam patrebny Vialikdzień biez pahroz i realny ruch da miru, i ŭ Rasii jość šaniec nie viartacca da naniasieńnia ŭdaraŭ i paśla Vialikadnia», — dadaŭ prezident Ukrainy.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary