«My hatovyja da lustranych krokaŭ». Zialenski adreahavaŭ na pucinskuju prapanovu ab pieramirji
Prezident Rasii Uładzimir Pucin abviaściŭ vielikodnaje pieramirje z 16:00 11 krasavika da zakančeńnia sutak 12 krasavika. Prezident Ukrainy Uładzimir Zielenski adkazaŭ na heta, što Ukraina raniej nieadnarazova prapanoŭvała spynieńnie ahniu — «i budzie dziejničać adpaviedna», piša «Suśpilnie».
Na zajavu Kramla prezident Ukrainy Uładzimir Zielenski adreahavaŭ u 00:10 10 krasavika.
«Ukraina nieadnarazova zajaŭlała, što my hatovyja da lustranych krokaŭ. My prapanoŭvali ŭ hetym hodzie spynieńnie ahniu na čas Vielikodnych śviataŭ i budziem dziejničać adpaviedna», — paviedamiŭ prezident u sacsietkach.
Zielenski dadaŭ, što ludziam patrebny «Vialikdzień biez pahroz i realny ruch da miru» — i ŭ Rasii jość šaniec nie viartacca da ŭdaraŭ i paśla śviata.
Pierad hetym Zialenski sam nieadnarazova vystupaŭ z padobnaj prapanovaj. 30 sakavika padčas razmovy z žurnalistami jon zajaviŭ, što Ukraina hatovaja da ŭstanaŭleńnia pieramirja z RF na pieryjad vielikodnych śviataŭ.
31 sakavika Zielenski paviedamiŭ, što Ukraina prapanavała Rasii ŭvieści režym spynieńnia ahniu na pieryjad vielikodnych śviataŭ i čakaje adkazu. Jon adznačyŭ, što Kijeŭ taksama raźličvaje na padtrymku hetaj inicyjatyvy z boku ZŠA.
U Kramli tady zajavili, što słovy prezidenta Ukrainy pra «vielikodnaje pieramirje» nie ŭtrymlivajuć vyraznaj prapanovy. Taksama tam śćviardžali, što Maskva nibyta choča «miru», a nie časovaha spynieńnia bajavych dziejańniaŭ.
2 krasavika padčas razmovy z žurnalistami Zielenski zajaviŭ, što Ukraina pieradała Złučanym Štatam prapanovu ab spynieńni ahniu na Vialikdzień.
«My ŭsie bačyli ŭ miedyjnaj prastory ich [Rasii] adkaz: jany nibyta da hetaha nie hatovyja. Nie viedaju, nakolki heta surjozny adkaz. Amierykanskamu boku my pieradali naš zapyt. Ja nie viedaju, ci budzie ŭ ich mahčymaść pieradać jašče svoj miesiedž «ruskim». Pahladzim. Naša prapanova pa spynieńni ahniu na Vialikdzień zastajecca», — skazaŭ tady prezident Ukrainy.
8 krasavika pres-sakratar ukrainskaha MZS Hieorhij Cichi zajaviŭ, što Ukraina hatovaja da vielikodnaha pieramirja.
«My paćviardžajem hatoŭnaść Ukrainy da vielikodnaha pieramirja. Jana zastajecca ŭ sile. I da enierhietyčnaha pieramirja. Kali Rasija spyniaje ŭdary, to i Ukraina hatovaja lustrana», — skazaŭ jon i dadaŭ, što Blizki Uschod prademanstravaŭ, što takija damoŭlenaści mohuć spracoŭvać, «navat z takimi režymami, jak iranski».
Pucin abjaviŭ vielikodnaje pieramirje na sutki z chvościkam. Raniej da taho niekalki razoŭ zaklikaŭ Zialenski
Piaskoŭ: Pucin pakul nie prymaŭ nijakich rašeńniaŭ adnosna vielikodnaha pieramirja
Kreml adchiliŭ prapanavanaje Zialenskim pieramirje na Vialikdzień
Zialenski skazaŭ, što Ukraina hatova da vielikodnaha pieramirja
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary