Prezident Uładzimir Zialenski zajaviŭ, što va Ukrainie hatovyja da vielikodnaha pieramirja, a ich «partniory» prasili nie nanosić udary pa naftavym siektary Rasii
Ukrainski prezident padčas siońniašniaha bryfinhu raspavioŭ pra «sihnały» partnioraŭ, jakija tyčacca ŭdaraŭ pa rasijskim naftavym siektary: «Paśla takoha suśvietnaha enierhietyčnaha kryzisu my sapraŭdy atrymali sihnały ad niekatorych našych partnioraŭ pra toje, jak zrabić tak, kab źmienšyć našy adkazy pa naftavym siektary, enierhietyčnym siektary Rasijskaj Fiederacyi».
Pry hetym Zialenski nie ŭdakładniŭ, pra jakich mienavita «partnioraŭ» idzie havorka. I dadaŭ: «Ja jašče raz padkreślivaju — kali Rasija hatovaja nie nanosić udaraŭ pa ŭkrainskaj enierhietycy, my nie budziem adkazvać pa ich enierhietycy».
Prezident taksama zajaviŭ, što va Ukrainie «hatovyja da spynieńnia ahniu na vielikodnyja śviaty»: «Na moj pohlad, kali ščyra, narmalnyja ludzi, jakija pavažajuć žyćcio, havorać pra spynieńnie ahniu i zakančeńnie vajny nazaŭsiody, a nie na niekalki dzion. Ale, biezumoŭna, my hatovyja da lubych kampramisaŭ».
U apošnija tydni Ukraina nieadnarazova nanosiła ŭdary pa niekalkich rasijskich terminałach, jakija vykarystoŭvajucca dla ekspartu nafty, u tym liku ŭ Leninhradskaj vobłaści.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks20
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Vo-vtorych, tolko naivnyje divannyje ekśpierty dumajut, čto kohda v sosiedniej stranie idiet vojna, to v prihraničnych riehionach ničieho nie možiet słučiťsia.
Ja smotriu tiebie tak śmiešno, naviernoje i śmiešno iz-za v 1.3 million vybyvšich rośsijan. Śmiejsia dalšie, śmiecha radi!